பள்ளி காலை வழிபாட்டு செயல்பாடுகள் - 28.02.2025

சர்.சி.வி.இராமன்

   

திருக்குறள்: 

பால்: பொருட்பால்

அதிகாரம்: பெருமை

குறள் எண்:979

பெருமை பெருமிதம் இன்மை; சிறுமை
பெருமிதம் ஊர்ந்து விடல்.

பொருள்:
தற்பெருமையற்றது பெருமையின் குணம், தற்பெருமையுடையது சிறுமையின் குணம்

பழமொழி :

அதிகம் கேள், குறைவாகப் பேசு.

Hear more, but talk less

இரண்டொழுக்க பண்புகள் :   

* வெயில் காலத்தில் செயற்கை குளிர்பானங்கள் குடிப்பதைத் தவிர்ப்பேன்.  

  *மோர், இளநீர், கம்பு, கேழ்வரகு கூழ் போன்ற இயற்கை குளிர்பானங்கள் குடித்து வெப்பத்தின் தாக்கத்தை தணிப்பேன்.

பொன்மொழி :

நீ நினைத்ததை அடைய , நீ நினைத்துப் பார்த்ததை விட அதிகம் "உழைக்க" வேண்டும்.

பொது அறிவு : 

1. பழ மரங்களிலேயே சுமார் 400 ஆண்டுகள் விளைச்சல் தரும் மரம் எது? 

விடை : ஆரஞ்சு மரம்.

2. இந்தியாவில் நறுமணப் பொருட்களை உற்பத்தி செய்யும் மாநிலம் எது? 

விடை : கேரளா

English words & meanings :

 Police station     -     காவல் நிலையம்

 

Post office     -      தபால் நிலையம்

பிப்ரவரி 28

தேசிய அறிவியல் நாள்

தேசிய அறிவியல் நாள் (National Science Day) இந்தியாவில் பெப்ரவரி 28 ஆம் நாளில் ஆண்டு தோறும் கொண்டாடப்பட்டு வருகிறது.

தேசத்தலைவர்கள் மற்றும் தியாகிகளைக் கொண்டாடுவது போல அறிவியல் மேதைகளும் போற்றப்பட வேண்டும் என்ற கருத்தின் அடிப்படையில் 1987 - ஆம் ஆண்டு இந்தத் தேசிய அறிவியல் நாள் இந்திய அரசால் அறிமுகப்படுத்தப்பட்டது.

ஒவ்வொரு ஆண்டும் ஒரு குறிக்கோளை அடிப்படையாக கொண்டு இந்நாள் கொண்டாடப்படுகிறது.இந்திய மண்ணில் பிறந்து உலகம் போற்றும் வகையில் பல அரிய கண்டுபிடிப்புகளை ஆராய்ந்து வெளியிட்டவரும் சிறந்த இயற்பியல் மேதையுமான சர். சி. வி ராமன் தன்னுடைய நோபல் பரிசு பெற்ற ஆராய்ச்சி முடிவை வெளியிட்ட பிப்ரவரி 28 ம் தேதி தேசிய அறிவியல் தினம் என அறிவிக்கப்பட்டது.

சர். சி. வி. இராமன் தனது புகழ்பெற்ற ராமன் விளைவை (Raman Effect) இந்நாளிலேயே கண்டுபிடித்தார். இந்தக் கண்டுபிடிப்பு உலகளாவிய பெருமையை இந்தியாவிற்குப் பெற்றுத் தந்ததுடன் உயரிய விருதான நோபல் பரிசும் (1930) இவருக்கு கிடைத்தது. அந்நிகழ்வின் நினைவாகவும் அறிவியல் என்பது அடித்தட்டு மக்களையும் சென்றடைய வேண்டும் என்ற நோக்கோடும் இந்திய அரசு இந்நாளைத் தேசிய அறிவியல் நாளாகப் பிரகடனப்படுத்தியது.

நீதிக்கதை

 அக்பர்-பீர்பால்  மனவேறுபாடு 

அக்பருக்கும் பீர்பாலுக்கும் 

அடிக்கடி ஏற்படும் மனவேறுபாடு அன்றைக்கும் ஏற்பட்டது. 

அக்பர் ஏதோ சொல்ல, 

அதற்கு பதிலாக பீர்பால் எதையோ சொல்ல… பேச்சு வளர்ந்து பெரிய சச்சரவில் கொண்டு போய் விட்டு 

விட்டது. மன்னர் கோபம் கொண்டார்.

“இனிமேல் என்னுடைய மண்ணில் நீ வாழக்கூடாது.

எனது ஆளுகைக்கு உட்பட்ட  மண்ணை விட்டு நீ வெளியேறி விடவேண்டும்!” என்று 

ஆணை பிறப்பித்தார்.

“சரி. உம்முடைய அதிகாரத்துக்கு உட்பட்ட மண்ணில் நான் வாழமாட்டேன்!” என்று வீராப்பாகச் சொன்ன பீர்பால் அங்கிருந்து வெளியாகி 

சீன நாட்டுக்கு சென்றார். 

சில ஆண்டுகள் கழித்து ஏராளமான மூட்டைகளுடன் தில்லி வந்து சேர்ந்தார்!

பீர்பால் ஏதோ ஒரு வெளிநாட்டுக்கு சென்று சிலகாலம் இருந்து விட்டு இப்போது மீண்டும் 

தில்லிக்கே வந்துவிட்டதை 

அக்பர் அறிந்தார். உடனே அவருக்கு சினம் வந்தது. 

தனது தலைமை அமைச்சரை அனுப்பி பீர்பாலை உடனே அரசவைக்கு அழைத்து 

வரச் சொன்னார்.

பீர்பாலின் இல்லம் சென்ற அமைச்சரை அன்போடு வரவேற்று வீடு முழுவதையும் சுற்றிக் காட்டினார் பீர்பால்.

“இது என்ன வீட்டுக்குள்ளும் வெளியிலும் மண்ணைக் 

கொட்டி வைத்திருக்கிறீர்களே?” என்று கேட்டார் அந்த 

அமைச்சர்.“இந்த மண் சீன நாட்டில் இருந்து கொண்டு வந்தேன். ஒரு காரணத்திற்காகத்தான் 

பரப்பி வைத்திருக்கிறேன்!” 

என்று கூறினார். 

பின்னர் அந்த அமைச்சரின் வண்டியைப் பின்தொடர்ந்து 

தன் வண்டியிலேயே அரசவை நோக்கி புறப்பட்டார்.

செல்லும் வழியில்… “இதென்ன வண்டிக்குள்ளும் இவ்வளவு மண்??” என்று கேட்டார் அந்த அமைச்சர்.“எல்லாம் காரணமாகத்தான்!” என்று 

பதில் அளித்தார் பீர்பால்.

அரண்மனைக்குச் சென்றதும் அரசர் முன் நின்று 

வணங்கினார் பீர்பால்.

“என் உத்தரவையும் மீறி இன்னும் தில்லி நகரத்தில் உலவுகிறீர்?  

என்னை மதிக்காமல் இந்த மண்ணில் உம்மால் வாழ்ந்து 

விட முடியுமா?” என்று கோபத்துடன் கேட்டார் 

அக்பர்.“மன்னர் பெருமானே! தங்கள் உத்தரவுக்குக் கீழ்ப்படிவதைத் தவிர வேறு எனக்கு ஒன்றும் தெரியாது. தங்களின் உத்தரவை 

அப்படியே பின்பற்றி 

வருகிறேன்!” என்று சொன்னார் பீர்பால் பவ்யமாக.

“எங்கே நிறைவேற்றுகிறீர்? இப்போது தில்லியில் அல்லவா நீர் தங்கி இருக்கிறீர்?” என்றார் அக்பர் சினத்துடன்.“தில்லியில் நான் தங்கி இருப்பது உண்மைதான். ஆனால் 

தங்களின் மண்ணில் 

நான் நடமாடவில்லை. அமைச்சரைக் கேட்டுப் 

பாருங்கள். அவரே என் 

வீட்டுக்கு வந்து பார்த்தாரே!” என்றார் பீர்பால்.

அக்பர் அமைச்சரை நோக்கினார்… உடனே அமைச்சர் பதில் அளித்தார்..

“மன்னர் அவர்களே! பீர்பால் 

தம் வீட்டுக்குள்ளும் வீட்டுக்கு வெளியிலும் மண்ணைக் 

கொட்டி பரப்பி இருக்கிறார். பயணம் செய்த வண்டியிலும்

கூட மண்ணைக் கொட்டி இருந்தார். எதற்காக இப்படி எல்லாம் செய்திருக்கிறார் 

என்று எனக்கு விளங்கவில்லை. அவரைக் கேட்டேன்.. காரணமாகத்தான் என்று சொல்கிறார்!”

அப்போது பீர்பால், “மன்னர் அவர்களே,”என் வீட்டின் உள்ளும் வெளியிலும் நான் பயணம் செய்யும் வண்டியிலும் நான் உலவும் என் வீட்டுத் தோட்டங்களிலும் நான் 

கொட்டி பரவி இருப்பது 

சீன தேசத்தில் இருந்து 

கொண்டு வரப்பட்ட மண். 

அது தில்லியின் மண் அல்ல. தங்களுக்கு சொந்தமான மண்ணில் நடமாடக் கூடாது என்றீர்கள். அதனால்தான் சீன மண்ணில் நடமாடிக் கொண்டிருக்கிறேன். இது எவ்வாறு தங்கள் உத்தரவை மீறிய செயலாகும்?” என்று அப்பாவி போல் பதில் சொன்னார்.

பீர்பால் விளக்கம் கொடுத்ததும் அக்பர் உட்பட அவையினர் சிரித்தனர். மன்னருக்கு சினம் இருந்த இடம் தெரியாமல் மறைந்து போயிற்று.  தன் உத்தரவினை வாபஸ் வாங்கிக் கொண்டார் அக்பர்.

இன்றைய செய்திகள்

28.02.2025

* அரசு மருத்துவமனைகளில் காலியாக உள்ள 425 மருந்தாளுநர் பணியிடங்களுக்கு விண்ணப்பிக்கலாம் என்று மருத்துவ பணியாளர் தேர்வு வாரியம் தெரிவித்துள்ளது.

* 25 மருத்துவமனைகளில் போதை மீட்பு சிகிச்சை, மறுவாழ்வு மையங்கள்: முதல்வர் ஸ்டாலின் திறந்துவைத்தார்.

* கன்னியாகுமரி, திருநெல்வேலி உள்ளிட்ட 10 மாவட்டங்களில் இன்று கனமழை பெய்யும் என்று சென்னை வானிலை ஆய்வு மையம் தெரிவித்துள்ளது.

* கடந்த 10 ஆண்டுகளில் நீதிமன்ற வழக்குகளுக்காக மத்திய அரசு ரூ.400 கோடிக்கும் அதிகமாக செலவு செய்துள்ளது என மத்திய அரசு தகவல் தெரிவித்துள்ளது.

* போர்நிறுத்த ஒப்பந்தத்திற்கான அடுத்த கட்ட பேச்சுவார்த்தைக்கு தயார்; ஹமாஸ் அமைப்பு அறிவிப்பு.

* பிங்க் பெண்கள் கோப்பை கால்பந்து போட்டி: தென் கொரியா வெற்றி.

Today's Headlines

* The Medical Services Recruitment Board has announced that applications are invited for 425 vacant pharmacist positions in government hospitals.

* Chief Minister Stalin has inaugurated de-addiction treatment and rehabilitation centers in 25 hospitals.

* The Chennai Meteorological Centre has predicted heavy rain in 10 districts, including Kanyakumari and Tirunelveli, today.

* The Central government has spent over ₹400 crore on court cases over the past 10 years, according to government data.

* Hamas has announced its readiness for the next round of ceasefire talks.

* South Korea wins the Pink Women's Cup football tournament.

Covai women ICT_போதிமரம்

பள்ளி காலை வழிபாட்டு செயல்பாடுகள் - 27.02.2025

  

 

திருக்குறள்: 

பால்: பொருட்பால்

 அதிகாரம்: பெருமை

 குறள் எண்:978

 பணியுமாம் என்றும் பெருமை; சிறுமை

 அணியுமாம் தன்னை வியந்து.

குறள்:

பணிவுடனிருத்தல் பெருமையுடையோர் இயல்வு சிறியோர் தம் பெருமை

தாமே பாராட்டுவர்.

பழமொழி :

அதிகப் பேச்சு அறிவுடைமை அல்ல

It is not wise to talk more. 

இரண்டொழுக்க பண்புகள் :   

* வெயில் காலத்தில் செயற்கை குளிர்பானங்கள் குடிப்பதைத் தவிர்ப்பேன்.  

  *மோர், இளநீர், கம்பு, கேழ்வரகு கூழ் போன்ற இயற்கை குளிர்பானங்கள் குடித்து வெப்பத்தின் தாக்கத்தை தணிப்பேன்.

பொன்மொழி :

""" விழாமல் ஓடுவேன் என்பது நம்பிக்கை! விழுந்தாலும் எழுந்து ஓடுவேன் என்பது தன்னம்பிக்கை!"""

பொது அறிவு : 

1. சீனர்கள் முதன் முதலில் எதன் மீது எழுத்துக்களைப் பொறித்தனர்? 

விடை : எலும்புகள் மற்றும் ஆமை ஓடுகள்.       

2. ஒரு நெருப்புக் கோழியின் முட்டை எத்தனை கோழி முட்டைகளுக்குச் சமம்?

 விடை : 22

English words & meanings :

 Mosque.    -     பள்ளிவாசல்

 

Park.    -   பூங்கா

பிப்ரவரி 27

• பன்னாட்டு அரசு சார்பற்ற அமைப்புகளின் நாள்

நீதிக்கதை

 சத்திரம்

ஒருமுறை பீர்பால் தன் 

சொந்த வேலை காரணமாக அயல்தேசம் செல்ல 

நேரிட்டது. செல்லும் 

வழியில் அரண்மனை 

ஒன்று தென்பட்டது. 

மிகவும் அசதியாக இருந்த 

பீர்பால் அதில் சிறிது நேரம் தங்கிச் செல்லலாம் என 

முடிவு எடுத்தார். அது 

அயல்நாட்டு மன்னனின் அரண்மனையாகும். அந்த விஷயம் பீர்பாலுக்கு 

தெரியாது. அக்பரின் ஆளுகைக்குட்பட்ட 

மண்ணில் இருக்கும் 

அரண்மனை என்றே 

அவர் நினைத்தார்.

அந்த அரண்மனையின்

பின்புறம் சென்று 

குதிரையைக் கட்டிவிட்டு பார்த்தார். ஆள் அரவமே 

இல்லை. அரண்மனைக்குள் புகுந்ததும் அடுக்களை தென்பட்டது. தமக்கிருந்த 

பசியில் சிறிதும் 

யோசிக்காமல் உணவினை எடுத்து உண்டார். பின்னர் 

அடுத்த அறைக்குச் சென்றார். அழகான பஞ்சு மெத்தையுடன் கூடிய படுக்கையறை. உண்ட மயக்கத்தில் அந்த படுக்கையில் படுத்து உறங்கியும் விட்டார்.

வேட்டையாடச் சென்றிருந்த மன்னர் சற்று 

நேரத்திற்கெல்லாம் வந்து விட்டார். தன் உணவை 

உண்டு விட்டு தன்னுடைய படுக்கையில் படுத்திருப்பவனைப் பார்த்ததும் சினம்கொண்டு பீர்பாலைத் தட்டி எழுப்பினார்.

“என் அரண்மனைக்குள் 

புகுந்து என் உணவினை 

உண்டு, என் படுக்கை 

அறையில் படுத்திருக்கிறாயே?” என்று அதட்டினார்.

“ஓஹோ… இது அரண்மனையா? காவலர் யாருமே இல்லாததால் இதனை சத்திரம் என்று நினைத்தேன்!” என்றார் 

பீர்பால்.

தன்னை மன்னர் என்று 

அறிமுகம் செய்தும் சற்றும் அஞ்சாமல் தன்னுடைய அரண்மனையை தர்ம 

சத்திரம் என்கிறானே 

இவன் என கோபமுற்றார் 

அந்த மன்னர்.

“உனக்கு கொஞ்சமாவது அறிவிருக்கிறதா? அரண்மனைக்கும் தர்ம சத்திரத்திற்கும்கூட உனக்கு வித்தியாசம் தெரியவில்லையே!” என்று கடிந்தார் மன்னர்.

“மன்னர் அவர்களே.. இது அரண்மனையாகவே 

இருந்தாலும் இதனையும் 

தர்ம சத்திரம் என்று 

அழைப்பதில் தவறில்லை!” என்றார் பீர்பால்.

“ஓர் அரண்மனை எப்படி சத்திரமாக முடியும்? 

சத்திரம் என்றால் இன்று 

ஒருவர் வருவார் நாளை போய்விடுவார்… மறுநாள் வேறொருவர் வருவார்.. 

பிறகு சென்று விடுவார்.. இங்கேயே தங்க மாட்டார்கள். அரண்மனை அப்படி அல்ல.

 நான் நிரந்தரமாக தங்கி இருக்கிறேனே!” என்றார் 

மன்னர்.

“மன்னர் அவர்களே உங்கள் பாட்டனார் எங்கே தங்கி இருந்தார்?”

“இதே அரண்மனையில்தான்!”

“உமது தந்தையார்?”

“இதே அரண்மனையில்தான்!”

“நாளை உங்களுக்குப் பின் யார் தங்குவார்கள்?”

“இதென்ன கேள்வி? எனது மகன் தங்குவான்!”

“ஆக இந்த அரண்மனையில் யாருமே நிரந்தரமாக தங்கி இருக்கவில்லை! தங்கள் முன்னோர் சில காலம் தங்கி இருந்துவிட்டு சென்று விட்டனர். இப்போது நீங்கள். உங்களுக்குப் பின் உங்கள் மகன். எனவே சத்திரத்துக்கும் அரண்மனைக்கும் எந்த வேறுபாடும் இல்லை!” என்றார் பீர்பால்.

பீர்பால் சொல்வதில் உள்ள உண்மை மன்னருக்கு விளங்கியது. வந்திருப்பவர் சாமான்யர் இல்லை என்பது விளங்கியது அவருக்கு!

“தாங்கள் யார்?” என்று மரியாதையுடன் வினவினார் அரசர்.

“என்னைப் பீர்பால் என்று அழைப்பார்கள்!’ என்று பதில் சொன்னார் பீர்பால்.

“அந்த மாமேதை நீங்கள்தானா? தங்களின் புகழை நானும் கேள்விப்பட்டு இருக்கிறேன். இதுவரை பார்த்தது இல்லை. நான் மிகப்பெரிய தவறு செய்து விட்டேன். வருத்தம் வேண்டாம். என்னை மன்னித்து விடுங்கள்!” என்றார் அரசர்.

அந்த மன்னனின் அன்புக் கட்டளையை ஏற்று பீர்பால் மேலும் சில நாட்கள் அவரின் விருந்தினராகத் தங்கி இருந்து விட்டு பிறகு தான் செல்ல வேண்டிய இடத்துக்கு புறப்பட்டார்

இன்றைய செய்திகள்

27.02.2025

* மத்திய மின்துறை வெளியிட்டுள்ள மின்விநியோக நிறுவனங்களின் தர வரிசைப் பட்டியலில், தமிழக மின்பகிர்மான கழகம் 11.90 மதிப்பெண் பெற்று 48-வது இடத்தில் உள்ளது.

* வங்கக் கடலில் நிலவும் மோசமான வானிலை மற்றும் பலத்த காற்று காரணமாக பிப். 26 முதல் 28 வரை நாகை - இலங்கை  இடையேயான  பயணிகள் கப்பல் போக்குவரத்து மூன்று நாட்களுக்கு ரத்து செய்யப்படுவதாக அறிவிக்கப்பட்டுள்ளது.

* ஒடிசாவின் புரி அருகே வங்க கடலில் நேற்று 5.1 ரிக்டர் அளவிலான நிலநடுக்கம் ஏற்பட்டது.

* அமெரிக்காவில் குடியேறுபவர்களுக்காக ‘கோல்டு கார்ட்’ என்ற திட்டத்தை அறிமுகப்படுத்த இருப்பதாகவும், 5 மில்லியன் டாலர்களை கொடுத்து அதனை பெற்றுக் கொள்ளலாம் என்றும் அமெரிக்க அதிபர் டொனால்ட் ட்ரம்ப் தெரிவித்துள்ளார்.

* பெண்கள் புரோ ஹாக்கி லீக்: நெதர்லாந்தை வீழ்த்தி இந்தியா அபார வெற்றி.

* சர்வதேச ஒருநாள் கிரிக்கெட் போட்டி ஆண்டர்சனின் மாபெரும் சாதனையை தகர்த்த ஆர்ச்சர்.

Today's Headlines

- The Tamil Nadu Electricity Distribution Corporation has secured 48th place with a score of 11.90 in the rankings of power distribution companies released by the Ministry of Power.¹

- Passenger ship services between Nagapattinam and Sri Lanka have been suspended for three days due to rough weather and strong winds in the Bay of Bengal.

- A 5.1-magnitude earthquake struck off the coast of Odisha near Puri in the Bay of Bengal.

- US President Donald Trump has announced plans to introduce a 'Golden Card' scheme for immigrants, which can be obtained by paying $5 million.

- India won a thrilling match against the Netherlands in the Women's Pro Hockey League.

- Archer achieved a remarkable feat in the international one-day cricket match, surpassing Anderson's record.

Covai women ICT_போதிமரம்

பள்ளி காலை வழிபாட்டு செயல்பாடுகள் - 26.02.25

   

திருக்குறள்: 

பால்: பொருட்பால்

அதிகாரம்: பெருமை 

குறள் எண்:977

 இறப்பே புரிந்த தொழிற்றாம் சிறப்பும்தான் சீரல் லவர்கண் படின்.

பொருள்:

கல்வி, செல்வம், சிறப்புகள் சிறுயாரைச் சேருமாயின் தவறான

செயல்களையே செய்விக்கும்.

பழமொழி :

அஞ்சி வாழ்வதை விட ஆபத்தை எதிர்கொள்

Face the danger boldly than live in fear.

இரண்டொழுக்க பண்புகள் :   

* வெயில் காலத்தில் செயற்கை குளிர்பானங்கள் குடிப்பதைத் தவிர்ப்பேன்.  

  *மோர், இளநீர், கம்பு, கேழ்வரகு கூழ் போன்ற இயற்கை குளிர்பானங்கள் குடித்து வெப்பத்தின் தாக்கத்தை தணிப்பேன்.

பொன்மொழி :

இதயத்தை சுத்தபடுத்தி விட்டு இறைவனை கூப்பிடு. நிச்சயம் வருவார்.

---பைபிள்---

பொது அறிவு : 

1. இரைப்பையில் சுரக்கப்படும் நொதியங்கள். _______, ___________ 

 விடை: பெப்சின், ரெனின்.       

2. ஆணின் உடலில் உள்ள இதயத்தின் எடை எவ்வளவு? 

விடை: 230-280 கிராம் 

English words & meanings :

 Jail.    -        சிறைச்சாலை

 

Market.     -    சந்தை

வேளாண்மையும் வாழ்வும் : 

 இந்த பனைமரங்களை வெட்ட வெட்ட ஒவ்வொரு நதியாக வறண்டு கொண்டே வரும் என்பது மட்டும் உண்மை...

நீதிக்கதை

 முதல் வழக்கில் வெற்றி!

ஒருநாள் சக்கரவர்த்தி அக்பர் 

தர்பாரில், வாயிற்காவலன் 

உள்ளே நுழைந்து,“பிரபு! 

ஒரு கிழவரும், இளைஞரும் 

நியாயம் கேட்டு 

வந்திருக்கிறார்கள்” என்றான். “அவர்களை வரச்சொல்!”

 என்றார் அக்பர்.

 உடனே, தர்பாரில் ஒரு 

கிழவரும், ஓர் இளைஞனும் 

உள்ளே நுழைந்து 

சக்கரவர்த்தியை வணங்கினர். “என்ன விஷயம்? உங்களில்

 யாருக்கு என்ன குறை?” 

என்று கேட்டார் அக்பர்.

“பிரபு! என் பெயர் ரகுமான்” 

என்று தன்னை 

அறிமுகப்படுத்திக் 

கொண்ட கிழவர் தொடர்ந்து, “நான் ஒரு சட்ட நிபுணன்! 

மாணவர்களுக்கு சட்டத்தின் 

நுணுக்கங்களையும், வழக்கு 

விசாரணைகளைப் பற்றியும் 

கற்பிக்கிறேன்".

இதோ நிற்கிறானே மணி! 

இவன் என் மாணவனாக 

இருந்தவன்! இவன் மீது 

நான் குற்றம் சாட்ட 

வந்துள்ளேன்” என்றார். 

அந்த இளைஞன் செய்த 

குற்றம் குறித்து அக்பர் கேட்டார். 

“பிரபு! இவன் என்னிடம் 

மாணவனாக சேர விரும்பிய 

போது, நான் மாதம் மூன்று 

பொற்காசு வீதம் குரு 

தட்சிணை தர வேண்டுமென்றும், ஓராண்டு காலம் சட்டம் படிக்க 

வேண்டும் என்றும் கூறினேன்.

ஆனால் இவன் தான் பரம 

ஏழை என்றும், தட்சிணை 

கொடுக்க இயலாது என்றும் 

கூறினான். படிப்பு முடிந்ததும் 

வழக்கறிஞனாகி முதல் 

வழக்கில் வெற்றி பெற்றவுடன், 

முப்பத்தாறு பொற்காசுகள் 

சேர்த்து தருவதாகவும் 

வாக்களித்தான். அதை 

நம்பி இவனுக்கு ஓராண்டு 

காலம் கற்பித்தேன்.

இவன் மிகவும் கெட்டிக்கார 

மாணவன் என்பதால் 

ஓராண்டிலேயே மிகச் 

சிறப்பாக சட்ட 

நுணுக்கங்களைக் கற்றுக் 

கொண்டு விட்டான். நானும் 

இவன் வழக்கறிஞனாகி, 

முதல் வழக்கிலேயே வெற்றி 

பெறுவான் என்றும், 

தட்சிணையை மொத்தமாகக் 

கொடுப்பான் என்றும் 

நம்பினேன்” என்று சொல்லி 

நிறுத்தினார் கிழவர். “இப்போது பணம் தராமல் 

ஏமாற்றுகிறானா?” என்று 

அக்பர் கேட்டார்.

“இல்லை பிரபு! இவன் திடீரென

 வழக்கறிஞனாகப் பணி புரியும் யோசனையை கை விட்டு 

விட்டான். அந்தத் தொழிலில் 

ஈடுபடப் போவதில்லையாம்!” 

என்றார். உடனே அக்பர் 

அந்த இளைஞனை நோக்கி, “எதற்காக உன்னுடைய 

உத்தேசத்தை நீ மாற்றிக்

 கொண்டாய்?” என்று கேட்டார்.

“பிரபு! நான் சட்டம் பயின்று 

முடித்ததும் வழக்கறிஞர் 

தொழிலில் ஈடுபடுவதாகத் தான் இருந்தேன். ஆனால்

 என் சித்தப்பா திடீரென 

இறந்து போனார். அவர் 

தன்னுடைய உயிலில் 

அவருடைய அனைத்து 

சொத்துகளுக்கும் என்னை 

வாரிசாக்கி விட்டார். இப்போது 

நான் லட்சாதிபதி. அதனால் 

எந்த வேலையும் செய்யத் 

தேவையில்லை,” என்றான்.

“அப்படியானால் இவருடைய

 தட்சிணை என்ன ஆவது?”

என்று கேட்டார் அக்பர். “நான் கொடுத்த வாக்கைக் 

காப்பாற்றுவேன். எனக்கு 

என்று வழக்கறிஞனாக 

ஆக வேண்டும் என்று 

தோன்றுகிறதோ, அப்போது

தான் தட்சிணையும் தர முடியும்” 

என்றான்.

மணி கூறுவது சரியே 

என்று நினைத்த அக்பர். 

 இருவரையும் நோக்கி, “இரு தரப்பினரின் வாதத்தையும் கூர்ந்து கவனித்தேன். 

என்னைப் பொறுத்தவரை 

இந்த வழக்கில் மணியின்  பக்கமே நியாயம் இருக்கிறது. கொடுத்த வாக்கைக் 

காப்பாற்றுவேன் என்று 

இந்த தர்பாரில் அவன் 

உறுதி அளித்துள்ளான்.

அவன் சொல்லை ஏற்றுக்

கொண்டு, அவனுக்கு என்று 

வழக்கறிஞராக வேண்டும் 

என்று தோன்றுகிறதோ, அன்று 

அந்தத் தொழிலில் ஈடுபட்டு 

குருவின் தட்சிணையைத் 

திருப்பித் தரலாம். அதுவரை 

குரு காத்திருக்க வேண்டும். 

இதுவே என் தீர்ப்பு!” என்றார் 

அக்பர். தர்பாரில் அனைவரும் 

இந்தத் தீர்ப்பைப் பாராட்டினர்.

 இதை எதிர்பார்க்காத கிழவர் 

ஏமாற்றத்தினாலும், 

வருத்தத்தினாலும் உடல் 

குறுகிப் போனார்.

ஆனால் பீர்பால் மட்டும் 

தீர்ப்பைப் பாராட்டாமல் 

மிகவும் மௌனமாக 

இருந்ததை கவனித்த அக்பர், 

இந்தத் தீர்ப்பை மறுஆய்வு 

செய்யுமாறு பீர்பாலிடம் 

கூறினார்.அதைக்கேட்டதுமே 

கிழவரின் முகம் மலர்ந்தது. 

மிகவும் புத்திசாலியான

 பீர்பால் சரியான தீர்ப்பு 

வழங்குவார் என்று அவர்

உறுதியாக  நம்பினார்.

பீர்பால் இளைஞனை 

நோக்கி,“நீ கொடுத்த வாக்கில்

 உறுதியாக இருக்கிறாய் 

அல்லவா?” என்றார். “அதில் என்ன சந்தேகம்? 

கண்டிப்பாக அப்போது 

அதில் கிடைக்கும் 

வருமானத்திலிருந்து என் 

குருநாதருக்கு சேர வேண்டிய 

தட்சிணையைக் கட்டாயம் 

தந்து விடுவேன்” என்றான் 

இளைஞன்.

பிறகு கிழவரை நோக்கி, “மணியின் நிபந்தனையை 

நீங்கள் ஆரம்பத்திலேயே 

ஒப்புக் கொண்டீர்கள் அல்லவா?” என்று கேட்டார் பீர்பால் 

“ஆம் ஐயா!” என்றார் கிழவர்.

“அப்படியானால் சட்டப்படி 

இளைஞனின் தரப்பில்தான் 

நியாயம் உள்ளது. அவன் 

வழக்கில் வெற்றி பெற்று 

தட்சிணை தரும் வரை நீங்கள் 

காத்திருக்க வேண்டியதுதான்”

என்றார் பீர்பால். பீர்பாலையும், 

அக்பரையும் வணங்கிவிட்டு 

அவர் தள்ளாடித் தள்ளாடி 

வெளியேற, இளைஞன் 

 வெற்றிப் பெருமிதத்துடன் 

வெளியேறினான்.

திடீரென மணியை அழைத்து, “மணி ! இதுதான் 

சக்கரவர்த்தியின் 

நீதிமன்றத்தில் உன்னுடைய 

முதல் வழக்கு! உன்னுடைய 

வழக்கை விசாரிக்க வேறு 

வழக்கறிஞரை நியமிக்காமல் 

நீயே உன் தரப்பு நியாயத்தை

வெகு அழகாக எடுத்துக் 

கூறினாய்” என்றார் பீர்பால்.

 மணி  மகிழ்ச்சியுடன், “நன்றி ஐயா!” என்றான்.

பீர்பால் தொடர்ந்து, “அதாவது உன்னுடைய 

முதல் வழக்கில் நீயே 

வழக்கறிஞராக இருந்து 

வாதாடி அதில் வெற்றி 

பெற்று விட்டாய். இல்லையா?” 

என்று பீர்பால் கேட்டார். “ஆம் ஐயா!” என்றான் 

மணி  மகிழ்ச்சியுடன்.

“அப்படியானால் நீ 

வழக்கறிஞராக இருந்து 

வெற்றி பெற்ற முதல் வழக்கு 

இது! நீ வாக்களித்தபடியே, 

குருதட்சிணையை உன் 

குருவிற்கு இப்போதே இங்கேயே கொடுத்து விடு!” என்றார்.

ஒருகணம் திகைத்துப் 

போன அனைவரும், 

மறுகணமே கைதட்டி 

ஆர்ப்பரித்தனர். கிழவர் 

பீர்பாலுக்கு மனமார நன்றி

கூற, அக்பர் பீர்பாலை மிகுந்த 

மகிழ்ச்சியுடன் தழுவிக்

கொண்டார்.

இன்றைய செய்திகள்

26.02.2025

* மகளிர் சுய உதவிக் குழுக்களின் தயாரிப்பு பொருட்கள் ரூ.194.67 கோடிக்கு விற்பனையாகி உள்ளதாக தமிழக அரசு தெரிவித்துள்ளது.

* பொதுமக்களுக்கு குறைந்த விலையில் தரமான மருந்துகளை வழங்கும் வகையில் கூட்டுறவு துறை சார்பில் தமிழகம் முழுவதும் 1,000 இடங்களில் அமைக்கப்பட்டுள்ள முதல்வர் மருந்தகங்களை முதல்வர் ஸ்டாலின் திறந்து வைத்தார்.

* இந்தியாவில் 5 புற்றுநோயாளிகளில் 3 பேர் உயிரிழக்கின்றனர் என்று இந்திய மருத்துவ ஆராய்ச்சி கவுன்சில் ஆய்வறிக்கையில் தெரிவிக்கப்பட்டு உள்ளது.

* உக்ரைனிலிருந்து ரஷ்ய படைகளை திரும்பப்பெற வலியுறுத்தி ஐ.நா.வில் கொண்டுவரப்பட்ட தீர்மானத்தை இந்தியா புறக்கணித்துள்ளது. 193 நாடுகள் வாக்களிக்க தகுதி பெற்றிருந்த நிலையில் 93 நாடுகள் ஆதரவாகவும், 18 நாடுகள் எதிராகவும் வாக்களித்தன. இந்திய உள்பட 65 நாடுகள் வாக்கெடுப்பை புறக்கணித்தன.

 * ரஞ்சி கோப்பை இறுதிப்போட்டி இன்று தொடக்கம். விதர்பா - கேரளா அணிகள் மோதல்.

Today's Headlines

- *Women's Self-Help Groups*: The Tamil Nadu government has announced that products made by women's self-help groups have been sold for ₹194.67 crore.

- *Chief Minister's Pharmacies*: Chief Minister M.K. Stalin has inaugurated 1,000 pharmacies across Tamil Nadu, providing quality medicines at affordable prices to the public.

- *Cancer Treatment*: According to the Indian Council of Medical Research, three out of five cancer patients in India die due to inadequate treatment.

- *UN Resolution*: India has abstained from voting on a UN resolution demanding Russia's withdrawal from Ukraine. 93 countries voted in favour, 18 against, and 65 abstained.

- *Ranji Trophy Finals*: The Ranji Trophy finals begin today, with Vidarbha facing Kerala.

Covai women ICT_போதிமரம்