பள்ளி காலை வழிபாட்டு செயல்பாடுகள் - 07.02.2024

    

தேவநேயப் பாவாணர்

திருக்குறள்: 

பால் :அறத்துப்பால்
இயல்:துறவறவியல்
அதிகாரம் : மெய்யுணர்தல்

குறள்:351

பொருளல்ல வற்றைப் பொருளென்று உணரும்
மருளானாம் மாணாப் பிறப்பு.

விளக்கம்:

 பொய்யானவற்றை மெய் என்று எண்ணும் மயக்கத்தால் இழிவான பிறப்பு வரும்.

பழமொழி :

Might is right

வல்லன் வகுத்ததே சட்டம்.

இரண்டொழுக்க பண்புகள் :1

1.என் உடன் பயிலும் மாணவ,மாணவிகளுடன் எந்த வேறுபாடும் இன்றி அன்போடு பழகுவேன்.

2.பிற மாணவர்கள் வைத்து இருக்கும் பொருள்கள் மீது ஆசை படவோ அவற்றை எடுத்துக்கொள்ளவோ மாட்டேன்.

பொன்மொழி :

ஒரு வார்த்தை நம்மை வாழ்வின் அனைத்து சுமைகளிலிருந்தும் வலிகளிலிருந்தும் விடுவிக்கிறது: அந்த வார்த்தைதான் அன்பு. --சோஃபோக்கிள்ஸ்

பொது அறிவு :

1. இந்தியாவில் இரும்புப் பாலம் முதன் முதலில் எங்கு அமைக்கப்பட்டது?

விடை: லக்னோ

2. ஒலிம்பிக்கில் பதக்கம் வென்ற முதல் இந்தியப் பெண் யார்?

விடை: பி.டி. உஷா

English words & meanings :

 veils (v)- to hide or cover திரை, முகமூடி ; vexation (n)- worry or anger துயரம் (அ) எரிச்சல்

ஆரோக்ய வாழ்வு : 

கோவை கீரை : கோவைக்கீரையின் சாறினை காலை, இரவு முறையே 2 ஸ்பூன் குடித்து வர நாள்பட்ட நெஞ்சு சளி, இருமல் ஆகியவை குணமடையும். அதோடு இந்த சாறு நாள்பட்ட புண்களையும் ஆற்ற உதவுகிறது.

பிப்ரவரி 07

தேவநேயப் பாவாணர்அவர்களின் பிறந்தநாள்

தேவநேயப் பாவாணர் (Devaneya Pavanar; 7 பிப்பிரவரி 1902 – 15 சனவரி 1981) மிகச்சிறந்த தமிழறிஞரும், சொல்லாராய்ச்சி வல்லுநருமாவார். இவர் 40க்கும் மேலான மொழிகளின் சொல்லியல்புகளைக் கற்று மிக அரிய சிறப்புடன் சொல்லாராய்ச்சிகள் செய்துள்ளார். மறைமலை அடிகளார் வழியில் நின்று தனித்தமிழ் இயக்கத்திற்கு அடிமரமாய் ஆழ்வேராய் இருந்து சிறப்பாக உழைத்தார். இவரது ஒப்பரிய தமிழறிவும் பன்மொழியியல் அறிவும் கருதி, சிறப்பாக, பெருஞ்சித்திரனாரால் "மொழிஞாயிறு தேவநேயப் பாவாணர்" என்று அழைக்கப்பட்டார்.

நீதிக்கதை

 இரண்டு ஆட்கள் ஒருவர்க்கு ஒருவர் துணையாய்ப் பயணம் செய்து கொண்டிருந்தனர். வழியில் ஒரு கோடாரி கிடந்தது.

அதை முதலில் பார்த்தவர் "நான் ஒரு கோடாரியைக் கண்டெடுத்தேன்" என்று சொல்லிக் கொண்டு அதனை எடுத்தார்.

உடனே மற்றவர், "அப்படிச் சொல்லக்கூடாது, நண்பரே. நான் நீ என்று பிரித்துப் பேசக் கூடாது. 'நாம் கண்டெடுத்தோம்' என்று தான் இனி சொல்ல வேண்டும்” என்றார்.

அவர்கள் சிறிது தூரம் செல்வதற்குள் அந்தக் கோடாரியைத் தொலைத்தவர் எதிரே வந்தார். இவர்களிடம் கோடாரி இருப்பதைக் கண்டு, 'கோடாரியை எடுத்தது யார்?' என அவர் கேட்டார்.

அதற்கு எடுத்தவர், "நாங்கள் எடுத்தோம்" என்றார். உடனே சற்று நேரத்திற்கு முன் அவருக்கு பேசக் கற்றுக் கொடுத்தாரே, மற்றவர், அவர், "தப்பு தப்பு அப்படிச் சொல்லக் கூடாது. கண்டெடுத்தவுடன் நீங்கள் சொன்னீர்கள் பாருங்கள், 'நான் கண்டெடுத்தேன்' என்று அதுதான் சரி. இப்போதும் அதைத் தான் சொல்ல வேண்டும். நாங்கள் என்று சொல்லக் கூடாது" என்று சொன்னார்.

நீதி : தனக்கு ஆதாயம் கிடைக்கும் என்றால் ஒருமாதிரியும். இழப்பு கிடைக்கும் என தெரிந்தால் ஒருமாதிரியும் பேசுவது மனித குணம். அது தான் 'எலும்பில்லாத நாக்கு எதையும் பேசும்.

இன்றைய செய்திகள்

07.02.2024

*மியான்மர் எல்லை பகுதி முழுவதும் வேலி அமைக்க மத்திய அரசு முடிவு.

* மத்திய பிரதேசத்தில் பட்டாசு ஆலையில் தீ; ஆறு பேர் பலி 60 பேர் காயம்.

* 2026 அக்டோபர் மாதத்திற்குள் மதுரை எய்ம்ஸ் கட்டி முடிக்க இலக்கு.

* மதுரையில் உள்ள ஊராட்சி ஒன்றிய நடுநிலைப்பள்ளிக்கு பூரணம்மாள் மேலும் ரூபாய் மூன்று கோடிக்கு நிலம் தானமாக வழங்கினார்.

* உலக பாரம்பரிய அமைப்பான யுனெஸ்கோ சென்னையை இசை நகரமாக அறிவித்ததை கொண்டாடும் வகையில் இசை விழா நடைபெற்றது. இதில் 18 பேருக்கு கலை செம்மல் விருது வழங்கப்பட்டது.

* இங்கிலாந்து அணிக்கு எதிரான இரண்டாவது டெஸ்ட் கிரிக்கெட் போட்டியில் இந்திய அணி அபார வெற்றி.

Today's Headlines

The central government decided to fence the entire Myanmar border area.

 * Firecracker factory got fire in Madhya Pradesh;  Six dead and 60 injured.

 * Target to complete AIIMS, Madurai by October 2026.

 * Pooranammal also donated three crore rupees worth of land to Panchayat Union Middle School in Madurai.

 * A music festival was held to celebrate the declaration of Chennai as a City of Music by the World Heritage Organization UNESCO.  In this, 18 people were given the Kalai Semmel Award.

 * The Indian team won the second Test cricket match against the England team.

 Prepared by

Covai women ICT_போதிமரம்

பள்ளி காலை வழிபாட்டு செயல்பாடுகள் - 06.02.2024

    

இந்திய அறவியற் கழகம்

திருக்குறள்: 

பால் :அறத்துப்பால்
இயல்:துறவறவியல்
அதிகாரம் : துறவு

குறள்:350

பற்றுக பற்றற்றான் பற்றினை அப்பற்றைப்
பற்றுக பற்று விடற்கு.

விளக்கம்:

 ஆசை ஏதும் இல்லாதவனாகிய இறைவன் மீது ஆசை கொள்க; அவன் மீது ஆசை கொள்வது நம் ஆசைகளை விடுவதற்கே.

பழமொழி :

It is the pace that kills.

வேகம் விவேகம் அல்ல.

இரண்டொழுக்க பண்புகள் :

1.என் உடன் பயிலும் மாணவ,மாணவிகளுடன் எந்த வேறுபாடும் இன்றி அன்போடு பழகுவேன்.

2.பிற மாணவர்கள் வைத்து இருக்கும் பொருள்கள் மீது ஆசை படவோ அவற்றை எடுத்துக்கொள்ளவோ மாட்டேன்.

பொன்மொழி :

அன்பும் இரக்கமும் நிறைந்த இதயமே மன வலிமை, மன உறுதி, மகிழ்ச்சி மற்றும் மன அமைதிக்கான முக்கிய ஆதாரமாகும். --தலாய் லாமா

பொது அறிவு :

1. இந்திய அறிவயற் கழகம் அமைந்துள்ள நகரம்?

விடை: பெங்களூர்

2. ஜாலியன் வாலாபாக் படுகொலை நடந்த ஆண்டு?

விடை: 1919

English words & meanings :

 when an ant becomes a spy we call him/her - inform-ant-informant

ஆரோக்ய வாழ்வு : 

கோவை கீரை : சொறி, சிரங்கு போன்ற சரும நோய்களுக்கு கண்ட மருந்துகளைத் தடவத் தேவையே இல்லை. கோவைக்காயின் இலையை அரைத்து சாறாக எடுத்துக் கொள்ள வேண்டும்.

நீதிக்கதை

 வலிமை மட்டும் போதாது

எருது ஓரிடத்தில் படுத்துத் தூங்கிக் கொண்டு இருந்தது. அது வழியாக நகர்வலம் வந்த எலிக்குஞ்சு ஒன்று, ஓடி வந்து எருதின் மீது விழுந்தது. இதனால் தூக்கம் கலைந்து பார்த்தது.

"டேய். எலிப் பயலே என் மீது விழுந்தா தூக்கத்தைக் கலைத்தாய், உன்னை என்ன செய்கின்றேன் பார்" என்றது.

பலசாலியான எருது முன்னால் பயந்தபடி நின்றது எலி. "தயவு செய்து என்னை மன்னித்து விடுங்கள். நான் வேண்டுமென்று எந்தத் தவறும் செய்யவில்லை" என வேண்டியது.

"அதெல்லாம் முடியாது! என் பலம் தெரியாமல் என்னுடன் நீ விளையாடி விட்டாய். உன்னை என்ன செய்கிறேன் பார்", என மிரட்டியதும், பயந்து எலி அருகில் இருந்த வளைக்குள் ஓடி ஒளிந்து கொண்டது.

எருதுவும், எலியை விடுவதாக இல்லை. தன் கூரிய கொம்புகளால், எலி வளையைக் குத்தி பெயர்த்து எடுத்தது.

எருதின் கோபம் அதிகமானது. எலி வளையை இடிக்க இடிக்க வளர்ந்து கொண்டே சென்றது.

எலி அதன் வளையை மிகவும் நீளமாக அமைத்து இருந்தது. அதனால் எருது, எலியைப் பிடிக்க முடியாமல் போனது.

வீரமாக மோதிப் பார்த்து விட்டு மிகவும் களைப்புடன் படுத்து விட்டது எருது. இந்த நேரத்தில் எலி வளையை விட்டு வெளியில் வந்து பார்த்தது.

எதிரில் எருது களைப்பால் படுத்திருந்ததைப் பார்த்தது. மீண்டும் எலி வந்து, எருதின் மீது ஏறி விளையாடியது. எருதுக்கு கோபம் அதிகமானது. கோபம் வந்து என்ன செய்ய, எலியைத் தான் அதனால் பிடிக்க முடியவில்லையே.

எருது முன்னால் தாவிக் குதித்து நின்றது எலி. "நான் தெரியாமல் செய்த தவறுக்கும். உன்னிடம் பலமுறை மன்னிப்பு கேட்டு விட்டேன். நீ பெருந்தன்மையாக என்னை மன்னித்திருக்கலாம் அல்லவா.

உனக்கு எவ்வளவு தான் பலம் இருப்பினும் அவமானம் அடைந்தாயே! உடல் பலத்தால் மட்டும் யாரையும், வென்று விட முடியாது புரிந்து கொள்" என்றபடி எலி தாவிக் குதித்து வளைக்குள் ஓடி ஒளிந்து கொண்டது.

எருதும் தன் தவறை உணர்ந்து வருந்தியது.

நீதி : எளியவரை எப்பொழுதும் வென்று விடலாம் என தவறாக நினைத்து விடக் கூடாது. உடல் வலிமையை விட மனவலிமையே வெற்றி பெறும்.

இன்றைய செய்திகள்

06.02.2024

*அரசியல் கட்சி பிரசாரங்களில் குழந்தைகளை பயன்படுத்த தடை; தேர்தல் ஆணையம் உத்தரவு.

*ஜார்க்கண்ட் சட்டப்பேரவை- நம்பிக்கை வாக்கெடுப்பில் சம்பாய் சோரன் வெற்றி.

*பெண் விவசாயிகள் கருத்தரங்கு; 8ஆம் தேதி சின்னமனூர் வருகிறார் கவர்னர்.

*இந்திய வம்சாவளியைச் சேர்ந்த வருண் கோஷ், ஆஸ்திரேலிய பாராளுமன்ற எம்பி ஆக நியமனம் செய்யப்பட்டுள்ளார்.

*தமிழகத்தில் பிப்ரவரி 11ஆம் தேதி வரை வறண்ட வானிலை நிலவக்கூடும்; வானிலை ஆய்வு மையம்.

*இங்கிலாந்துக்கு எதிரான இரண்டாவது டெஸ்ட்: இந்திய அணி அபார வெற்றி.

Today's Headlines

*Prohibition of using children in political party campaigns;  Election Commission order.

 *Jharkhand Assembly- Sambhai Soren won the trust vote.

 *Women Farmers Seminar;   Governor is coming to Chinnamanur on  8th.

 *Varun Ghosh, of Indian origin, has been appointed as an Australian MP.

 *Dry weather likely to prevail in Tamil Nadu till February 11;  Meteorological Centre.

 *Second Test against England: Indian team got tremendous victory

 Prepared by

Covai women ICT_போதிமரம்

பள்ளி காலை வழிபாட்டு செயல்பாடுகள் - 05.02.2024

    

ஆந்திரபிரதேசம்

திருக்குறள்: 

பால் :அறத்துப்பால்
இயல்:துறவறவியல்
அதிகாரம் : துறவு

குறள்:349

பற்றற்ற கண்ணே பிறப்பறுக்கும் மற்று
நிலையாமை காணப் படும்.

விளக்கம்:

 ஆசைகளை முழுவதுமாக விட்டபோதுதான் பிறப்பு என்னும் கட்டு அறுபடும்; விடவில்லை என்றால், பிறப்பு மறுபடியும் தொடரும்.

பழமொழி :

Mice will pray when the cat is out

பூனை இல்லாத ஊரில் எலி நாட்டமை.

இரண்டொழுக்க பண்புகள் :

1.என் உடன் பயிலும் மாணவ,மாணவிகளுடன் எந்த வேறுபாடும் இன்றி அன்போடு பழகுவேன்.

2.பிற மாணவர்கள் வைத்து இருக்கும் பொருள்கள் மீது ஆசை படவோ அவற்றை எடுத்துக்கொள்ளவோ மாட்டேன்.

பொன்மொழி :

கற்ற அறிவையும், பெற்ற செல்வத்தையும் இறுதிக் காலம் வரை மற்றவர்களுக்காகச் செலவிடுங்கள்.

பொது அறிவு :

1. மிக அதிக நீளமான கடற்கரையைக் கொண்ட தென் மாநிலம் எது?

விடை: ஆந்திரப்பிரதேசம்

2. ஈராக் நாட்டின் தலைநகரம்

விடை: பாக்தாக்

English words & meanings :

 Delicious -highly pleasant to the taste. மிகவும் ருசியான

decorum -keeping the good behaviour and morality. அதிக ஒழுக்கமான

ஆரோக்ய வாழ்வு : 

கோவை கீரை : கோடை காலத்தில்  கோவை இலையைக் கஷாயமாகச் செய்து அருந்தினால், உடல் சூடு சமநிலைக்கு வரும். கண்கள் குளிர்ச்சி அடையும். கண் நோய்கள் வராமல் தடுக்கும்.

நீதிக்கதை

 மனிதனாய் வாழ வேண்டும்

குருநாதர், தன் சீடனை அழைத்தார். "இந்தத் தெருவில் உள்ள நகை வியாபாரியின் வீட்டில் விருந்திற்கு நம்மையும் அழைத்திருக்கிறார்கள்" எனக் கூறினார்.

சீடனும் "உடனே செல்லுவோம் குருவே" என்றான். அவன் வாயில் எச்சில் ஊறியது.

"கொஞ்சம் பொறு பிள்ளாய், 'முதலில் நீ அங்கு சென்று எத்தனை மனிதர்கள் விருந்தில் கலந்து கொள்கிறார்கள் எனப் பார்த்து வா, பிறகு நாம் விருந்தில் கலந்து கொள்ளலாம்" என்றார் குரு.

"இதோ சென்று பார்த்து வருகிறேன் குருவே'' என்றபடி சீடன் குருகுலத்தை விட்டு வெளியே வந்தான்.

நிதானமாக சிந்தித்துப் பார்த்தான். விருந்தில் கலந்து கொள்ளும் மனிதர்கள் எத்தனை பேர் என்றல்லவா கணக்கெடுத்து வரக் கூறியுள்ளார். இது எதற்காக இருக்கும். ஏன் இப்படி நம்மிடம் கூறியுள்ளார். இதில் ஏதோ. உள் அர்த்தம் இருக்கிறது என சிந்தித்தவாறு சீடன் சென்றான்.

குருநாதர் கூறியதின் காரணமும் அவனுக்கு விளங்கிற்று. விருந்து நடக்கும் வீட்டிற்குச் செல்லும் போதே, கீழே கிடந்த நீளமான மரக்கட்டை ஒன்றையும் எடுத்துச் சென்றான்

சீடன் இப்பொழுது விருந்தினர் சாப்பிடும் இடத்திற்குச் செல்லவில்லை. விருந்தினா் சாப்பிட்ட பின் அனைவரும் கை கழுவச் செல்லும் இடத்திற்குச் சென்றான்.

அவர்கள் சாப்பிட்டு வரும் வழியில், தான் கொண்டு வந்திருந்த மரக்கட்டையை போட்டு வைத்தான். வருபவர் அனைவரும் அம்மரக்கட்டையில் தடுக்கி விட்டுக் கொண்டனர்.

"இம் மரக்கட்டையை யார் இங்கு போட்டார்கள்" என மனதிற்குள்ளும், சத்தம் போட்டும் திட்டிக் கொண்டே சென்றனர்.

இறுதியாக ஒரு பெரியவர் சாப்பாடு முடித்து வந்தவர், அவரும் அம்மரக்கட்டையில் தட்டிக் கொண்டார். நேரே சென்று கையைக் கழுவிக் கொண்டு வந்தார்.

அம்மரக்கட்டையை எடுத்து அப்புறப்படுத்தி ஒரமாகப் போட்டு விட்டுச் சென்றார். "இனிமேல் இங்கு வருபவர்களாவது இம்மரத்தில் தட்டிக் கொள்ளாமல் இருக்க வேண்டும்" என எண்ணி இவ்வேலையைச் செய்து விட்டுப் போனார்.

பெரியவரின் செயலைக் கண்ட சீடன் மகிழ்ந்து, தன் குருவிடம் சென்று, மனித நேயமிக்க ஒரே ஒரு மனிதன் மட்டும் விருந்துக்கு வந்திருந்தார் என்றவன் அங்கு நடந்த அனைத்தையும் ஒன்று விடாமல் கூறினான்.

நீதி : தனக்கு இரண்டு கண்கள் போனாலும் பரவாயில்லை அடுத்தவனுக்கு ஒரு கண்ணாவது போக வேண்டும் என எப்பொழுதும் நினைக்கக்கூடாது. தான்பட்ட துயரம் அடுத்தவரும் அனுபவிக்கக் கூடாது என நினைக்கும் மனிதரே. உண்மையில் மனிதராவார்.

இன்றைய செய்திகள்

05.02.2024

*நாட்டின் காப்பர் தேவையை பூர்த்தி செய்ய அதிரடியில் அதானி. குஜராத் மாநிலத்தில் அதானி குழுமம் உலகின் மிகப்பெரிய "காப்பர்" உற்பத்தி ஆலையை உருவாக்கி வருகிறது.

*தமிழக பட்ஜெட் : முதலமைச்சர் மு க ஸ்டாலின் அதிகாரிகளுடன் ஆலோசனை.

* லடாக்கின் கார்கில் மற்றும் மேகாலாயாவில் நில அதிர்வு ரிக்டர் அளவில் 3.8 ஆக பதிவாகியுள்ளது.

* எழும்பூரில் மெட்ரோ ரயில் நிலைய வாகன நிறுத்தம்;

இன்று முதல் இடமாற்றம்.

* மேற்கிந்திய  தீவுகளுக்கு எதிரான இரண்டாவது ஒருநாள் போட்டி ஆஸ்திரேலியா அபார வெற்றி.

Today's Headlines

* Adani in action to meet the copper demand of the country.  The Adani Group is building the world's largest "copper" manufacturing plant in the state of Gujarat.

 *Chief Minister M K Stalin is in Consultation with officials on Tamil Nadu Budget 

 * An earthquake on the Richter scale of 3.8 was recorded in Kargil and Meghalaya in Ladakh.

 * Metro Station's  Parking at Egmore;

 Change of place from today.

 * Australia won the second ODI against the West Indies.

 Prepared by

Covai women ICT_போதிமரம்

பள்ளி காலை வழிபாட்டு செயல்பாடுகள் - 02.02.2004

    

உலக சதுப்பு நில நாள்

திருக்குறள்: 

பால் :அறத்துப்பால் 

இயல்:இல்லறவியல் 

அதிகாரம்: நடுவுநிலைமை

குறள் : 116
கெடுவல்யான் என்பது அறிகதன் நெஞ்சம்
நடுவொரீஇ அல்ல செயின்.

பொருள்:
நடுவுநிலைமை தவறிச் செயல்படலாம் என்று ஒரு நினைப்பு ஒருவனுக்கு வந்து விடுமானால் அவன் கெட்டொழியப் போகிறான் என்று அவனுக்கே தெரியவேண்டும்.

பழமொழி :

Face the danger boldly than live with in fear.
அஞ்சி வாழ்வதை விட ஆபத்தை எதிர்கொள்.

இரண்டொழுக்க பண்புகள் :1

1.முயற்சியும், தொடர் பயிற்சியும் வெற்றிக்கு வழிவகுக்கும் என்பதை என்பதை நான் அறிவேன்.

2.எனவே நான் ஒவ்வொரு நாளும் தேர்விற்காக கடுமையாக முயற்சி செய்தும் , தொடர்ந்து பல பயிற்சிகளை மேற்கொண்டும் அதிக மதிப்பெண்களை பெறுவதற்கு தன்னை உயர்த்திக் கொள்வேன்.

பொன்மொழி :

எல்லாத் துன்பங்களுக்கும் இரண்டு மருந்துகள் உள்ளன. ஒன்று காலம், இன்னொன்று மெளனம்.

பொது அறிவு :

1. ஆகஸ்ட் 15 அன்று பிரதமர் எங்கு கொடி ஏற்றுகிறார்?

விடை: செங்கோட்டை 

2. எந்த உயிரினம் அதிக மக்களை கொல்கிறது?

விடை: பாம்பு

English words & meanings :

 

swift- fast,speedy வேகமான. strenuous- vigorous ;கடினமான.

ஆரோக்ய வாழ்வு : 

அகத்தி கீரை :உயர்ந்த இரத்த அழுத்த பிரச்சனை இருப்பவர்கள் வாரத்திற்கு ஒருமுறையாவது அகத்தி கீரையை உணவில் சேர்த்து கொண்டால் இந்த பிரச்சனையிலிருந்து   விடுபடலாம்.

பிப்ரவரி 02

உலக சதுப்பு நில நாள் 

உலக சதுப்பு நில நாள் (World Wetlands Day) என்பது சதுப்பு நிலங்களின் முக்கியத்துவத்தினை மக்கள் அறிந்து கொள்ள கொண்டாடப்படும் நாளாகும். உலகில் உவர்நீர் நிறைந்த கடலுக்கும், நிலங்களுக்கும் இடையில் குறைந்த ஆழத்தில் ஆண்டு முழுவதும் நீர் தேங்கி இருக்கும் பகுதியாக சதுப்பு நிலங்கள் உருவாகின. பூமியின் மொத்தப் பரப்பில் 6 சதவீத பகுதி சதுப்பு நிலங்களாக உள்ளன. இவை பெரும்பாலும் இயற்கையாக உருவானவை, மனிதனால் உருவாக்கப்பட்டவை என இரண்டு பிரிவாக வகைப்படுத்தப்படுகின்றன.

அலையாத்திக் காடுகள், குட்டைகள் உள்ளிட்டவை இயற்கையாக உருவானவை என்றும், ஏரிகள், குளங்கள், நீர்தேங்கும் குவாரிப்பள்ளங்கள் ஆகியவை மனிதனால் உருவாக்கப்பட்டவை என்றும் வகைப்படுத்தப்படுகின்றன.

நீதிக்கதை

 பாடம் படித்த ஓநாய்

காட்டு வழியே வந்து கொண்டு இருந்த வரிக்குதிரை ஒன்று பாதை மாறி விட்டது. இருப்பினும்  தைரியசாலியான அது பயப்படாமல் நடந்து கொண்டு இருந்தது.

எப்படியும் நம் இடத்தை விரைவில் அடைந்து விடுவோம் என்ற நம்பிக்கையை மட்டும் அது கைவிடவில்லை. இன்னும் கொஞ்சம் முயற்சித்தால் நம் இடத்தை அடைந்து விடலாம் என எண்ணியது.

தொடர்ந்து நடந்து வந்த களைப்பால், வரிக்குதிரைக்கு பசி எடுத்தது, ஓர் இடத்தில் நன்கு பசுமையான புல்வெளியும், தண்ணீர் நிறைந்த குட்டையும் இருக்கக் கண்டு மிகவும் மகிழ்ந்தது.

இந்த இடத்தில் சிறிது நேரம் புல்லை மேய்ந்து விட்டு, தண்ணீரும் குடித்து விட்டு பின்னர் நடக்கலாம் என முடிவு செய்து அந்த இடத்தை அடைந்தது. வேண்டிய அளவு புல்லை ருசித்து மேய்ந்து கொண்டு இருந்தது.

அப்பொழுது அந்தப் பக்கம் வந்த ஓநாய் ஒன்று வரிக் குதிரையைப் பார்த்து, "இன்று நமக்கு நல்ல விருந்து தான் கிடைத்துள்ளது. அது மெதுவாக மேய்ந்து கொண்டே இருக்கட்டும். நம் நண்பனையும் துணைக்கு அழைத்து வந்து விடுவோம்" என எண்ணி மகிழ்ச்சியுடன் ஓசைப்படாமல் நடந்தது . ஓநாய்.

சிறிது தூரத்தில் அதன் நண்பன், நரி தூங்கிக் கொண்டு இருந்தது. நரியை அழைத்தது ஓநாய். நரி தூக்கக் கலக்கத்தில் எழுந்தது. "ஏன் இப்படி நல்ல தூக்கத்தைக் கெடுக்கிறாய்" என்றபடி கொட்டாவி விட்டது.

"நண்பனே, இதுவல்ல தூங்கும் நேரம். நமக்கு இன்று சரியான வேட்டை காத்துக் கொண்டு இருக்கிறது. தாமதிக்காமல் உடனே புறப்படு."

"விபரமாகக் கூறு"

"முதலில் எழுந்து நட, செல்லும் பொழுதே விபரம் கூறுகிறேன். அந்த மிருகம் வேறு எங்காவது சென்றுவிடப் போகிறது. கேள்வி கேட்டுக் கொண்டு இருக்காமல் கிளம்பு",

ஓநாயும், நரியும் கிளம்பின. சிறிது நேரத்தில் வரிக் குதிரை மேய்ந்து கொண்டு இருந்த இடத்திற்கு வந்து சேர்ந்தன.

ஓநாய், "அதோ பார்த்தாயா உடம்பில் கோடு,, கோடாக இருக்கிறதே, அந்த மிருகத்தைப் பற்றி தான்' கூறினேன்."

"நானும் இதுவரை இதுபோன்ற மிருகத்தைப் பார்த்தது இல்லை. பார்ப்பதற்கு கழுதை போன்றும், குதிரை போன்றும் இருக்கிறதே."

"வா! அதன் அருகில் சென்று விசாரிப்போம்!" முதலில் இரண்டும் வரிக் குதிரையின் அருகில் சென்றன. வரிக்குதிரையோ அவைகளைக் கவனிக்காமல் புல்லை மேய்ந்து கொண்டு இருந்தது.

ஓநாய்,"ஏய்,வித்தியாசமான மிருகமே நீ யார்? எங்கு இருந்து வருகிறாய் ? இதுவரை நாங்கள் உன்னைக் கண்டது இல்லையே" என விசாரித்தது..

ஓநாயையும், நரியையும் பார்த்த வரிக்குதிரை மனதுக்குள் தைரியத்தை வரவழைத்துக் கொண்டது. அவை தீய விலங்குகள் என தெரிந்ததும், பயப்படாமல் இருந்தது.

நான் வானுலகில் இருந்து தேவர்களால் இங்கு அனுப்பப்பட்டேன்."

ஓநாயும், நரியும் ஆச்சரியமடைந்தன.

என்ன, வானுலகில் இருந்து வருகின்றாயா! ஆச்சரியமாய் இருக்கிறதே !

"ஆமாம், உண்மையைத்தான் சொல்கிறேன்"

"ஆனால் நரி இதை நம்பவில்லை," இதை எங்களை நம்பச் சொல்கின்றாயா?

வரிக்குதிரையோ, "நான் ஏன் பொய் சொல்ல வேண்டும்."

"நீ சொல்வதை உண்மை என நிரூபிக்க முடியுமா?"

நரி கேட்கவும், வரிக்குதிரை, "நிச்சயம் என்னால் நிரூபிக்க முடியும் என் பின்னங்கால் குழம்பில் எழுதப் பட்டுள்ளது. படித்துப் பாருங்கள்" என்றது.

இதில் ஏதோ சூழ்ச்சி செய்யப் பார்க்கிறது வரிக் குதிரை, என நினைத்த நரி "எனக்குப் படிக்கத் தெரியாது, எனவே, ஓநாய் அண்ணனே படிக்கட்டும்" என்றது.

ஓநாயோ தனக்கும் படிக்கத் தெரியாது என்று சொல்லிக் கொள்ள விரும்பவில்லை, "சரி காலைத் தூக்கிக் காட்டு, நான் படித்துப் பார்க்கிறேன்" என்றவாறு, வரிக்குதிரையின் பின்னால் சென்று அமர்ந்தது.

வரிக்குதிரை தன் பின்னங்காலைத் தூக்கிக் காட்டியது. அதன் காலைப் பிடித்து என்ன எழுதி இருக்கிறது. எனத் தன் முகத்துக்கு அருகில் வைத்து ஓநாய் பார்த்தது.

"என்ன இது உன் காலில் ஒன்றும் சரியாக எழுத வில்லையே"

"இன்னும் நன்றாகப் பார் தெரியும் எனக் கூறியவாறு தன் பலம் கொண்ட மட்டும் ஒரு உதை விட்டது வரிக்குதிரை."

வரிக்குதிரை விட்ட உதையால் ஓநாயின் வாயில் இருந்து இரத்தம் கொட்டியது. பற்கள் ஆட்டம் கண்டன. வலி பொறுக்க முடியாமல் ஓநாய் கத்தியபடியே காட்டுக்குள் ஓடியது. அதன் பின்னால் தப்பித்தோம் என எண்ணி நரியும் ஓடியது.

துன்பத்தில் இருந்து விலகி வரிக்குதிரை நிம்மதியாய் நடக்க ஆரம்பித்தது.

நீதி: கால சூழ்நிலையைப் புரிந்து கொண்டு கருத்துடன் செயல்பட்டால் வந்த ஆபத்திலிருந்து தப்பித்து விடலாம்.

இன்றைய செய்திகள்

02.02.2024

*பட்ஜெட் 2024 தனிநபர் வருமான வரி உச்சவரம்பில் மாற்றம் இல்லை.

 *ஆயிரம் விமானங்கள் புதிதாக வாங்கப்படும் மத்திய மந்திரி தகவல்.

* அரசு மருத்துவமனைக்கு புதிதாக 1021 டாக்டர்கள்- கலந்தாய்வு தேதி அறிவிப்பு.

*தமிழக சட்டசபை கூட்டம் வரும் 12ஆம் தேதி தொடங்குகிறது. 19ஆம் தேதி பட்ஜெட் தாக்கல்.

* பாரிஸ் ஒலிம்பிக் போட்டிக்கு இந்திய பாய்மரப்படகு வீரர் விஷ்ணு சரவணன் தகுதி.

Today's Headlines

*Budget 2024 No change in personal income tax ceiling.

 *Thousands of new planes will be purchased, Union Minister informs.

* New 1021 Doctors for Government Hospital- Consultation date notification.

*The Tamil Assembly session will begin on the 12th. Budget presentation on 19th.

* Indian sailor Vishnu Saravanan qualified for Paris Olympics.

 Prepared by

Covai women ICT_போதிமரம்