பள்ளி காலை வழிபாட்டுச் செயல்பாடுகள் - 27.07.26

APJ அப்துல் கலாம்

திருக்குறள்: 

பால் : பொருட்பால்

இயல் : அரசியல்

அதிகாரம்:46 சிற்றினம் சேராமை

குறள் எண்:458

குறள்:

மனநலம் நன்குடைய ராயினும் சான்றோர்க்கு
இனநலம் ஏமாப் புடைத்து.

பொருள்:

மனதின் நன்மையை உறுதியாக உடையவராயினும் சான்றோர்க்கு இனத்தின் நன்மை மேலும் நல்ல காவலாக அமையும்.

பழமொழி :

Honesty is the best policy.

நேர்மையே சிறந்த கொள்கை.

இரண்டொழுக்க பண்புகள் :.

1. கடமை தவறாமல் உதிக்கும் சூரியன் போல நானும் என் கடமையை தவறாமல் செய்வேன். 

2. கல்லடிபட்டாலும் கனி தரும் மரங்கள் போல நானும் பலன் எதிர்பாராமல் பணி செய்ய முயற்சிப்பேன்.

பொன்மொழி : 

போராட்டங்கள் உன்னை உடைக்க வருவதில்லை; உயர்த்த வருபவையே.

Thought for the Day :

Struggles do not come to break you; they come to lift you higher.

பொது அறிவு : 

1. கபில் தேவ் அவர்களின் சுயசரிதையின் பெயர் என்ன? 

STRAIGHT FROM THE HEART. 

2.நெல்சன் மண்டேலா அவர்களின் சுயசரிதையின் பெயர் என்ன? 

LONG WALK TO FREEDOM.

English words :

Expand – Enlarge, விரிவாக்கு.
Maintain – Preserve, பராமரி.

புவியியலும் சுற்றுசூழலும் :

நமது இந்திய துணைக்கண்டம் ஆசியக் கண்டத்தின் தென்பகுதியில் அமைந்துள்ள பெரிய நிலப்பரப்பு ஆகும்.

இது இந்தியாவையும் அதன் அண்டை நாடுகளான பாகிஸ்தான், நேபாளம், பூடான், வங்காளதேசம், இலங்கை மற்றும் மாலத்தீவுகள் ஆகியவற்றையும் உள்ளடக்கியதாகக் கருதப்படுகிறது.

NMMS :

MAT - SCIENCE

கார்போஹைட்ரேட் பலபடிகளுக்கு எடுத்துக்காட்டுகள்

 (1) எத்திலீன் 

(2) புரோபைலீன் 

(3) லிக்னின் 

(4) மெத்திலீன் 

விடை: (3) லிக்னின்

ஜூலை 27

அப்துல் கலாம் அவர்களின் நினைவுநாள்

ஆவுல் பக்கிர் ஜைனுலாபுதீன் அப்துல் கலாம் (A. P. J. Abdul Kalam, அக்டோபர் 15, 1931 - ஜூலை 27, 2015) பொதுவாக டாக்டர் ஏ. பி. ஜே. அப்துல் கலாம் என்று குறிப்பிடப்படுகிறார். இவர் இந்தியாவின், 11 ஆவது குடியரசு தலைவராக பணியாற்றிய இந்திய அறிவியலாளரும், நிர்வாகியும் ஆவார். இவர் தமிழ்நாட்டில் உள்ள இராமேஸ்வரம் என்ற இடத்தில் பிறந்து வளர்ந்தார். திருச்சிராப்பள்ளியில் உள்ள தூய வளனார் கல்லூரியில் இயற்பியலும் மெட்ராஸ் தொழில்நுட்பக் கல்லூரியில் விண்வெளி பொறியியலும் படித்தார்.

கலாம், குடியரசுத் தலைவராக பதவி ஏற்பதற்குமுன், பாதுகாப்பு ஆராய்ச்சி மற்றும் மேம்பாட்டு நிறுவனத்திலும் (DRDO) இந்திய விண்வெளி ஆராய்ச்சி நிறுவனத்திலும், (ISRO) விண்வெளி பொறியாளராக பணியாற்றினார். ஏவுகணை மற்றும் ஏவுகணை ஏவல் வாகன தொழில்நுட்ப வளர்ச்சியில் கலாமின் ஈடுபாட்டினால் அவர் இந்திய ஏவுகணை நாயகன் என்று பிரபலமாக அறியப்படுகிறார்.  2002 ஆம் ஆண்டில் இந்தியக் குடியரசுத் தலைவராக தேர்ந்தெடுக்கப்பட்டார். சூலை 27, 2015 இல் இந்தியாவின், மேகாலயா மாநிலத்தலைநகரான ஷில்லாங்கில் இந்திய மேலாண்மை கல்வி நிறுவனத்தில் மாணவர்களிடையே உரையாற்றுகையில் (மாலை சுமார் 6.30 மணியளவில்) மயங்கி விழுந்தார். பின்னர் தனியார் மருத்துவமனையில் அனுமதிக்கப்பட்டு, சிகிச்சை பலனின்றி காலமானார்.

நீதிக்கதை

 "ஒரு வதந்தியின் விலை"

ஒரு பள்ளியில் அமுதா மற்றும் காவ்யா என்ற இரண்டு தோழிகள் படித்து வந்தனர். ஒருநாள், அமுதா எந்த ஆதாரமும் இல்லாமல், "காவ்யா தேர்வில் நண்பர்களைப் பார்த்து எழுதித்தான் அதிக மதிப்பெண் பெற்றாள்" என்று சில நண்பர்களிடம் கூறினாள்.

அந்தச் செய்தி சிறிது நேரத்தில் பள்ளி முழுவதும் பரவியது. பலரும் காவ்யாவைத் தவறாகப் புரிந்துகொண்டு அவளுடன் பேசுவதைத் தவிர்த்தனர். இதனால் காவ்யா மிகவும் மனவேதனை அடைந்தாள்.

இதைக் கவனித்த வகுப்பு ஆசிரியர் அனைவரையும் அழைத்து, "உண்மை தெரியாமல் ஒருவரைப் பற்றி புரளி பேசுவது, அவர்களின் மனதையும் நற்பெயரையும் காயப்படுத்தும். ஒரு வார்த்தையைப் பேசுவதற்கு முன் அது உண்மையா, நல்லதா, பயனுள்ளதா என்று சிந்திக்க வேண்டும்," என்றார்.

பின்னர், காவ்யா நேர்மையாகப் படித்து உழைத்ததால்தான் அதிக மதிப்பெண் பெற்றது தெரியவந்தது. அமுதா தன் தவறை உணர்ந்து, அனைவரின் முன்னிலையிலும் காவ்யாவிடம் மன்னிப்பு கேட்டாள்.

நீதி:

 உண்மை தெரியாமல் யாரைப்பற்றியும் புரளி பேசாதே; ஒரு வதந்தி ஒருவரின் நற்பெயரைக் கெடுத்துவிடும்.

இன்றைய செய்திகள்

27.07.2026

🗒️எம்.பி.பி.எஸ், பி.டி.எஸ். பட்டப்படிப்புகளுக்கு விண்ணப்பிக்க கால அவகாசம் இன்று மாலை வரை நீட்டிக்கப்பட்டுள்ளது. மருத்துவ படிப்பு கலந்தாய்வுக்கான விண்ணப்பப்பதிவை மருத்துவ கல்வி இயக்குனரகம் கடந்த மாதம் (ஜூன்) 29-ந்தேதி தொடங்கியது.

🗒️ மத்தியக் கல்வித்துறை அமைச்சராக  பிரகலாத் ஜோஷி கூடுதல் பொறுப்பை ஏற்றார்.

🗒️ 100 ஆண்டுகால புதிருக்கு விடை கண்டுபிடித்த சீன  விஞ்ஞானிகளுக்கு கணித உலகின் உயரிய விருதான பீல்ட்ஸ் மெடல்' ஐ அமெரிக்கா வழங்கியுள்ளது.

 விளையாட்டுச் செய்திகள்

🏀 காமன்வெல்த் விளையாட்டு: இந்தியாவுக்கு முதல் தங்கப்பதக்கம்  கிடைத்தது. காமன்வெல்த் பளுதூக்குதல் போட்டி: இந்தியாவுக்கு முதல் தங்கம் - மீராபாய் சானு அசத்தல்.

   *  ஆண்களுக்கான பவர் லிப்டிங் பிரிவில் களம் கண்ட  இந்திய வீரர் ஜாண்டு குமார் வெண்கல பதக்கம் வென்றார்.

🏀உலக ஜூனியர் ஸ்குவாஷ்: இந்திய வீராங்கனை 

இந்திய வீராங்கனை அனகத் சிங் சாம்பியன் பட்டம் வென்றார்.

Today's Headlines

🗒️ The last date to apply for MBBS and BDS courses has been extended up to this evening. The Directorate of Medical Education started the online application process for medical counselling on June 29.

🗒️ Pralhad Joshi has taken additional charge as the Union Minister for Education.

🗒️ Chinese scientists, who solved a 100-year-old mathematics problem, have been awarded the Fields Medal, the highest honour in mathematics.

Sports News

🏀 Commonwealth Games: India wins its first gold medal. Commonwealth Weightlifting: India's first gold – Mirabai Chanu shines.

   *  Indian athlete Jandu Kumar won the bronze medal in the men's powerlifting event.

🏀 World Junior Squash: Indian player Anahat Singh won the championship title.

Covai women ICT_போதிமரம்

பள்ளி காலை வழிபாட்டுச் செயல்பாடுகள் - 24.07.26

யஷ் பால்

 

திருக்குறள்: 

பால் : பொருட்பால்

இயல் : அரசியல்

அதிகாரம்:46 சிற்றினம் சேராமை

குறள் எண்:457

குறள்:

மனநலம் மன்னுயிர்க் காக்கம் இனநலம்
எல்லாப் புகழும் தரும்.

பொருள்:

மனத்தின் நல்ல நிலையே மன்னுயிர்க்கு ஆக்கம் தரும்; இனத்தின் நல்ல துணையோ எல்லாவகையான புகழையும் ஒருவனுக்குத் தருவதாகும்.

பழமொழி :

Good beginning makes a good ending.

நல்ல தொடக்கம் நல்ல முடிவைத் தரும்.

இரண்டொழுக்க பண்புகள் :.

1. பொது அறிவு மற்றும் நற்பண்புகளால் என்னை நான் உயர்த்திக் கொள்வேன். 

2. என் பெற்றோரையும் ஆசிரியர்களையும் துன்புறுத்தும் எந்த ஒரு செயலையும் நான் ஒருபோதும் செய்ய மாட்டேன்.

பொன்மொழி : 

வீழ்வது தோல்வி அல்ல; மீண்டும் எழாமல் இருப்பதே தோல்வி.

Thought for the Day :

Falling is not failure; refusing to rise again is.

பொது அறிவு : 

1.உலகில் முதல் மருத்துவமனை தோன்றிய நாடு எது? 

ரோம். 

2.இந்தியாவின் முதல் முறையான சூரியசக்தி விமான நிலையம் எது? 

கொச்சின், கேரளா.

English words :

Remarkable - Worth noticing; extraordinary, குறிப்பிடத்தக்க / அசாதாரணமான. 

Acquire – Obtain, பெறு.

புவியியலும் சுற்றுசூழலும் :

இது உள்ளாட்சி அமைப்புகளில் மிகவும் அடிப்படையானது.

கிராம நிர்வாகத்தின் முக்கிய அமைப்புகள்

1. கிராம சபை

18 வயது நிரம்பிய அனைத்து வாக்காளர்களும் கிராம சபை உறுப்பினர்கள் ஆவர்

NMMS :

MAT 

கொடுக்கப்பட்டுள்ள படங்களில் வேறுபட்டதைத் தேர்ந்தெடு 

விடை: (1)

ஜூலை 24

யஷ் பால் அவர்களின் நினைவுநாள்

யஷ் பால் (Yash Pal, 26 நவம்பர் 1926 - 24 சூலை 2017) இந்திய அறிவியலாளர் ஆவார்.இவர் விண்வெளிக் கதிர்களைப் பற்றிய ஆய்வுகளை மேற்கொண்டார். இவர் முதலில் டாட்டா அடிப்படை ஆராய்ச்சிக் கழகத்தில் பணியைத் தொடங்கி, பின்னர் இந்திய அரசின் பல்கலைக்கழக மானியக் குழுவில் தலைமைப் பொறுப்பிலும் இருந்துள்ளார்.

அறிவியலின் வளர்ச்சிக்கு பாடுபட்டதற்காக, ஐக்கிய நாடுகள் கல்வி, அறிவியல், பண்பாட்டு நிறுவனம் இவருக்கு கலிங்கா விருதை வழங்கிச் சிறப்பித்தது.

இந்திய அரசின் பத்ம பூசண் விருதை 1976ஆம் ஆண்டில் பெற்றார்.

2013ஆம் ஆண்டில், பத்ம விபூசண் விருதைப் பெற்றார்.

நீதிக்கதை

  "வெற்றி மட்டும் இலக்கு அல்ல"

ஒரு பள்ளியில் அம்பிகா மற்றும் அருணன் என்ற இரு மாணவர்கள் படித்துக் கொண்டிருந்தனர். பள்ளியில் ஓவியம், ஓட்டப்பந்தயம், பேச்சுப் போட்டி போன்ற பல போட்டிகள் நடைபெறவிருந்தன.

அம்பிகா, "நான் வெற்றி பெறவில்லை என்றால் என்ன செய்வேன்?" என்று பயந்து எந்தப் போட்டியிலும் பெயர் பதிவு செய்யவில்லை.

ஆனால் அருணன், "வெற்றி கிடைத்தால் மகிழ்ச்சி. கிடைக்கவில்லை என்றாலும் புதிய அனுபவம் கிடைக்கும்" என்று நினைத்து மூன்று போட்டிகளில் பங்கேற்றான்.

போட்டி நாளில் அருணன் ஓட்டப்பந்தயத்தில் தோற்றான். ஆனால் பேச்சுப் போட்டியில் இரண்டாம் பரிசும், ஓவியப் போட்டியில் சிறப்புப் பரிசும் பெற்றான். அதைவிட முக்கியமாக, அவனுக்கு தன்னம்பிக்கை, புதிய நண்பர்கள், மேடையில் பேசும் துணிச்சல் ஆகியவை கிடைத்தன.

இதைப் பார்த்த அம்பிகா, "நான் பயத்தால் நல்ல வாய்ப்பை இழந்துவிட்டேன். அடுத்த முறை கண்டிப்பாக போட்டிகளில் பங்கேற்பேன்" என்று முடிவு செய்தாள்.

நீதி:

போட்டிகளில் பங்கேற்பது வெற்றிக்காக மட்டுமல்ல; தன்னம்பிக்கை, திறமை, அனுபவம் மற்றும் ஆரோக்கியமான போட்டி மனப்பான்மையை வளர்க்கும்.

இன்றைய செய்திகள்

24.07.2026

🗒️டெல்லி கனாட் பிளேஸில் தீவிரமடையும் நீட் எதிர்ப்பு போராட்டம் , அனைத்துக் கடைகளையும் மூட உத்தரவு.

🗒️நாமக்கல்- அரியலூர் இடையே 

புதிய ரெயில் பாதை அமைப்பது குறித்த விரிவான செயல்திட்டம் குறித்த அறிக்கை தயாரிப்பதற்கு ஒப்புதல் வழங்கப்பட்டுள்ளது என அமைச்சர் அஷ்வினி வைஷ்ணவ் கூறியள்ளார்.

🗒️அட்லாண்டிக் பெருங்கடலில் 74 ஆண்டுகளுக்கு முன்பு நடந்த விபத்தில் மூழ்கிய  விமானத்தின் பாகங்கள் இருப்பது தற்போது கண்டுபிடிக்கப்பட்டுள்ளது.

 விளையாட்டுச் செய்திகள்

🏀காமன்வெல்த் விளையாட்டு: இந்தியாவுக்கு முதல் பதக்கத்தை உறுதி செய்த லவ்லினா.

 🏀கிரிக்கெட்: ஜிம்பாப்வே அணியை வீழ்த்தி இந்திய அணி வெற்றி. வைபவ் சூர்யவன்ஷி அதிரடியாக விளையாடி அரை சதம் அடித்தார்.

Today's Headlines

🗒️ The NEET protest is becoming stronger at Connaught Place in Delhi. All shops have been ordered to close.

🗒️ Railway Minister Ashwini Vaishnaw said that approval has been given to prepare a detailed project report for a new railway line between Namakkal and Ariyalur.

🗒️ Parts of an airplane that crashed into the Atlantic Ocean 74 years ago have now been discovered.

Sports News

🏀 Commonwealth Games: Lovlina has assured India's first medal in the competition.

🏀 Cricket: India defeated Zimbabwe. Vaibhav Suryavanshi played brilliantly and scored a half-century.

Covai women ICT_போதிமரம்

பள்ளி காலை வழிபாட்டுச் செயல்பாடுகள் - 23.07.26

திருக்குறள்: 

பால் : பொருட்பால்

இயல் : அரசியல்

அதிகாரம்:46 சிற்றினம் சேராமை

குறள் எண்:456

குறள்:

மனந்தூயார்க் கெச்சம்நன் றாகும் இனந்தூயார்க்கு
இல்லைநன் றாகா வினை. 

பொருள்:

மனம் தூய்மையாகப் பெற்றவர்க்கு , அவர்க்குப் பின் எஞ்சி நிற்கும் புகழ் முதலியவை நன்மையாகும், இனம் தூய்மையாக உள்ளவர்க்கு நன்மையாகாத செயல் இல்லை.

பழமொழி :

Good and Bad are not due to others.

நன்றும் தீதும் பிறர் தர வாரா.

இரண்டொழுக்க பண்புகள் :.

1. பொது அறிவு மற்றும் நற்பண்புகளால் என்னை நான் உயர்த்திக் கொள்வேன். 

2. என் பெற்றோரையும் ஆசிரியர்களையும் துன்புறுத்தும் எந்த ஒரு செயலையும் நான் ஒருபோதும் செய்ய மாட்டேன்.

பொன்மொழி : 

போராட்டம் இல்லாத வெற்றி, மதிப்பில்லாத வெற்றியாகும்.

Thought for the Day :

A victory achieved without struggle is a victory without value.

பொது அறிவு : 

1.தென்னகத்தின் கங்கை என்றழைக்கப்படும் தீபகற்ப ஆறு எது? 

காவிரி. 

2. காவிரி ஆறு தனது பயனத்தை முடித்து எந்த இடத்தில் வங்கக் கடலில் கலக்கிறது?

 பூம்புகார்.

English words :

Ignore - Pay no attention to, புறக்கணி.

Loyal - Faithful and supportive, விசுவாசமான

புவியியலும் சுற்றுசூழலும் :

குடிமையியலில் நாம் நமது நாட்டின் ஆட்சிப் பணி அல்லது நிர்வாகப் பணி குறித்து காண்போம். அடித் தளமான கிராமங்கள் அதன் நிர்வாகம் எவ்வாறு செயல் படுகிறது என்று பார்ப்போம்.இந்தியாவின் அடிப்படை நிர்வாக அலகு கிராமம் ஆகும். கிராம மக்களின் தேவைகளை கவனித்து, வளர்ச்சிப் பணிகளை மேற்கொள்ளும் அமைப்பு கிராம பஞ்சாயத்து எனப்படுகிறது.

NMMS :

MAT 

கொடுக்கப்பட்டுள்ள படங்களில் வேறுபட்டதைத் தேர்ந்தெடு 

விடை: (4)

ஜூலை 23

பால கங்காதர திலகர் அவர்களின் பிறந்தநாள்

பால கங்காதர திலகர் (Bal Gangadhar Tilak, மராத்தி: बाळ गंगाधर टिळक, பால கங்காதர திலகர்) 23 சூலை 1856 –1 ஆகத்து 1920 (அகவை 64), ஒரு இந்தியத் "தேசியவாதியும்", "சமூக சீர்திருத்தவாதியும்", விடுதலைப் போராட்ட வீரரும் ஆவார். இந்திய விடுதலை இயக்கத்தின் முதல் மக்கள் ஆதரவு பெற்ற தலைவரும் இவரே. இவரது பெயருடன் கௌரவப் பட்டமான "லோகமான்ய" என்பதையும் சேர்த்து அழைப்பதுண்டு. இந்தியாவுக்கு முதன் முதலில் தன்னாட்சி கோரியவர்களுள் திலகரும் ஒருவர். தன்னாட்சி எனது பிறப்புரிமை அதனை நான் பெறுவேன் என்னும் இவரது புகழ் பெற்ற கூற்று இன்றும் இந்தியாவில் நினைவுகூரப்படுகிறது. முதன் முதலில் மக்களிடையே சுதந்திரம் பற்றிய விழிப்புணர்ச்சியை ஏற்படுத்தியவர் ஆவார். மக்களிடையே அவருக்கு மிகுந்த செல்வாக்கு இருந்தது. 

நீதிக்கதை

 ஒரு சிறிய அலட்சியம்

ஒரு ஞாயிற்றுக்கிழமை, நண்பர்களான விஷ்ணு மற்றும் தர்ஷன் கிராமத்திற்கு அருகிலிருந்த குளத்திற்குச் சென்றனர். பெரியவர்கள் யாரும் இல்லாததால், குளத்தின் கரையில் விளையாட ஆரம்பித்தனர்.

தர்ஷன், "கொஞ்சம் தண்ணீருக்குள் இறங்கி விளையாடலாமே!" என்று கூறினான். ஆனால் விஷ்ணு, "நமக்கு நீச்சல் சரியாகத் தெரியாது. பெரியவர்கள் இல்லாமல் தண்ணீருக்குள் போகக்கூடாது," என்று எச்சரித்தான்.

அதைப் பொருட்படுத்தாமல் தர்ஷன் தண்ணீருக்குள் இறங்க முயன்றபோது, கால் வழுக்கி ஆழமான பகுதிக்குச் சென்றான். உடனே விஷ்ணு அருகில் இருந்த பெரியவர்களை உதவிக்கு அழைத்தான். அவர்கள் விரைந்து வந்து தர்ஷனை பாதுகாப்பாக மீட்டனர்.

அந்தச் சம்பவத்திற்குப் பிறகு தர்ஷன், "நண்பனின் அறிவுரையைக் கேட்டிருந்தால் இந்த ஆபத்து ஏற்பட்டிருக்காது," என்று உணர்ந்தான்.

நீதி:

ஆறு, குளம் போன்ற நீர்நிலைகளில் பெரியவர்கள் இல்லாமல் விளையாடவோ, தண்ணீருக்குள் இறங்கவோ கூடாது. சிறிய அலட்சியமும் பெரிய ஆபத்தை ஏற்படுத்தலாம்.

இன்றைய செய்திகள்

23.07.2026

🗒️இளைஞர்கள் தங்களின் தொழில் திறன்களை தேசிய மற்றும் சர்வதேச அளவில் கொண்டுச் செல்லும் சிறந்த வாய்ப்பாக 2027  ஆண்டுக்கான  இந்தியத் திறன் போட்டிகளுக்கான பதிவு தொடங்க உள்ளதாக தமிழக அரசு அறிவித்துள்ளது.

🗒️டெல்லியில் பயணிகளின் துரித சேவைக்காக அனைத்து ரெயில் நிலையங்களும் திறக்கப்பட்டுள்ளதாக டெல்லி மெட்ரோ ரெயில் நிர்வாகம் தெரிவித்துள்ளது.

🗒️சுற்றுப்பயணத்தின் போது வடக்கு மாசிடோனியாவில் அன்னை தெரசா நினைவிடத்தை பார்வையிட்ட ஜனாதிபதி திரவுபதி முர்மு ஸ்கோப்ஜே அருங்காட்சியகத்தில் அமைக்கப்பட்டுள்ள மகாத்மா காந்தி உருவச் சிலையையும்  திறந்து வைத்தார்.

 விளையாட்டுச் செய்திகள் 

🏀சீனா ஓபன் பேட்மிண்டன்: இந்தியாவின் பி.வி.சிந்து மற்றும்  உன்னதி ஹூடா இருவரும்  நேர்கணக்கில் மோதிய போட்டியில்  பி.வி.சிந்து வெற்றி பெற்றார்.

🏀உலக கோப்பை கால்பந்து போட்டி  தரவரிசையில் 

ஸ்பெயின் மீண்டும் முதலிடத்தை பிடித்துள்ளது.

Today's Headlines

🗒️ The Tamil Nadu Government has announced that registration for the India Skills Competition 2027 will begin soon. It is a good opportunity for young people to show their skills at the national and international levels.

🗒️ The Delhi Metro Rail Corporation has said that all railway stations in Delhi are now open to provide faster and better service for passengers.

🗒️ During her foreign visit, President Droupadi Murmu visited the Mother Teresa Memorial in North Macedonia. She also unveiled the Mahatma Gandhi statue at the Skopje Museum.

Sports News

🏀 In the China Open Badminton tournament, India's P. V. Sindhu defeated Unnati Hooda in a straight-game match.

🏀 Spain has regained the No. 1 position in the FIFA World Cup football rankings

Covai women ICT_போதிமரம்

பள்ளி காலை வழிபாட்டுச் செயல்பாடுகள் - 22.07.26

  

திருக்குறள்: 

பால் : பொருட்பால்

இயல் : அரசியல்

அதிகாரம்:46 சிற்றினம் சேராமை

குறள் எண்:455

குறள்:

மனந்தூய்மை செய்வினை தூய்மை இரண்டும்
இனந்தூய்மை தூவா வரும்.  

பொருள்:

மனத்தின் தூய்மை செய்யும் செயலின் தூய்மை ஆகிய இவ்விரண்டும் சேர்ந்த இனத்தின் தூய்மையைப் பொறுத்தே ஏற்படும்.

பழமொழி :

God is love

அன்பே கடவுள்.

இரண்டொழுக்க பண்புகள் :.

1. பொது அறிவு மற்றும் நற்பண்புகளால் என்னை நான் உயர்த்திக் கொள்வேன். 

2. என் பெற்றோரையும் ஆசிரியர்களையும் துன்புறுத்தும் எந்த ஒரு செயலையும் நான் ஒருபோதும் செய்ய மாட்டேன்.

பொன்மொழி : 

“அறிவே மனிதனின் மிகப்பெரிய செல்வம்.”

Thought for the Day :

📚 “Time and tide wait for none, so make every moment meaningful.

பொது அறிவு : 

1. அமெரிக்கா நாகசாகி மீது வீசிய அணுகுண்டின் பெயர் என்ன?

 FAT MAN. 

2. அமெரிக்கா ஹிரோஷிமா மீது வீசிய அணுகுண்டின் பெயர் என்ன? 

LITTLE BOY.

English words :

Generous - Kind and willing to give, தாராளமான.

Humble - Not proud or arrogant, பணிவான.

புவியியலும் சுற்றுசூழலும் :

கடற்கரைகள் (Coasts) – நிலமும் கடலும் சந்திக்கும் பகுதிகள்.
டெல்டாக்கள் (Deltas) – ஆறுகள் கடலில் கலக்கும் இடத்தில் உருவாகும் முக்கோண நிலப்பகுதிகள்.
பனிப்பாறைகள் (Glaciers) – நீண்ட காலமாக உறைந்திருக்கும் பனிக்கட்டிகள்.

NMMS :

MAT 

கொடுக்கப்பட்டுள்ள படங்களில் வேறுபட்டதைத் தேர்ந்தெடு 

விடை: (3)

ஜூலை 22

பை-தோராய-நாள்

பை என்பது ஒரு வட்டத்தின் சுற்றளவுக்கும் அதன் விட்டத்திற்கும் உள்ள விகிதமாகும். பை (π) என்பது 3.14 என்ற தசம மதிப்பைக் கொண்டுள்ளது. 1706 ஆம் ஆண்டில், பிரிட்டிஷ் கணிதவியலாளர் வில்லியம் ஜோன்ஸ் இந்த விகிதத்தைக் குறிக்க π குறியீட்டை உருவாக்கினார், பின்னர் இது சுவிஸ் கணிதவியலாளர் லியோன்ஹார்ட் யூலரால் பிரபலப்படுத்தப்பட்டது.

பை தோராய நாள் ஜூலை 22 அன்று கொண்டாடப்படுகிறது மற்றும் பை நாள் மார்ச் 14 அன்று கொண்டாடப்படுகிறது. 

நீதிக்கதை

 "முன்னெச்சரிக்கையே பாதுகாப்பு"

ஒருநாள் பள்ளி மாணவர்கள் அனைவரும் ஆசிரியர்களுடன் ஒரு காட்டுச் சுற்றுலா செல்ல பேருந்தில் புறப்பட்டனர். அந்தக் காட்டில் மான்கள், மயில்கள், குரங்குகள், யானைகள் போன்ற விலங்குகளைப் பார்க்க அனைவரும் ஆவலுடன் இருந்தனர்.

புறப்படுவதற்கு முன் ஆசிரியர், "பேருந்து பயணத்தின் போது யாரும் கைகளையோ, தலையையோ ஜன்னலுக்கு வெளியே நீட்டக்கூடாது. விலங்குகளைப் பார்த்தாலும் அமைதியாக அமர்ந்திருக்க வேண்டும். பாதுகாப்பு விதிகளைப் பின்பற்றினால்தான் பயணம் இனிமையாக இருக்கும்," என்று அறிவுறுத்தினார்.

பயணத்தின் போது ஒரு மான் கூட்டம் பேருந்தின் அருகே ஓடியது. அதை நன்றாகப் பார்க்க வேண்டும் என்ற ஆர்வத்தில் கார்த்திக் ஜன்னலுக்கு வெளியே தலையை நீட்டினான். அதே நேரத்தில் அருள், குரங்குகளைக் காட்ட வேண்டும் என்று நண்பர்களிடம் சொல்லிக்கொண்டே ஜன்னலுக்கு வெளியே கையை நீட்டினான்.

அதைக் கவனித்த ஆசிரியர் உடனே பேருந்தை நிறுத்தி, "கார்த்திக், அருள்! உங்கள் ஆர்வம் நல்லதுதான். ஆனால் ஒரு சிறிய கவனக்குறைவும் பெரிய விபத்துக்கு காரணமாகிவிடும். மரக்கிளைகள், எதிரே வரும் வாகனங்கள் அல்லது விலங்குகளால் ஆபத்து ஏற்படலாம். அதனால்தான் இந்த விதிகள்," என்று விளக்கினார்.

இருவரும் தங்கள் தவறை உணர்ந்து மன்னிப்பு கேட்டனர். அதன் பிறகு அனைத்து மாணவர்களும் பாதுகாப்பு விதிகளைப் பின்பற்றி, காட்டின் அழகையும் விலங்குகளையும் பாதுகாப்பாக ரசித்து மகிழ்ச்சியுடன் வீடு திரும்பினர்.

நீதி:

"ஆர்வம் அவசியம்; ஆனால் பாதுகாப்பு அதைவிட அவசியம். முன்னெச்சரிக்கையே பாதுகாப்பான பயணத்தின் முதல் படி."

இன்றைய செய்திகள்

22.07.2026

🗒️நீட் தேர்வு குறைந்த பட்ச தகுதி மதிப்பெண் உயர்வு என்ற அறிவிப்பினைத் தொடர்ந்து இந்திய மருத்துவ ஆணையம் இந்த முடிவை மறு பரிசீலனை செய்ய வேண்டும் என்று மருத்துவ மாணவர் சங்கம் வலியுறுத்தி உள்ளது.

🗒️வெளிநாடுகளுக்கு கடத்தப்பட்ட, 615 பழங்காலத்  தொல் பொருட்களை மத்திய அரசு மீட்டுள்ளது.

🗒️பிரிட்டனின் புதிய பிரதமரான ஆன்டி பர்ன்ஹாமின் அமைச்சரவையில், அந்நாட்டின் முதல் AI துறை அமைச்சராக இந்திய வம்சாவளி எம்.பி கனிஷ்க நாராயண் நியமிக்கப்பட்டு உள்ளார்.

 விளையாட்டுச் செய்திகள்

🏀சென்னை கிராண்ட்மாஸ்டர்ஸ் செஸ் போட்டியில் கிராண்ட் மாஸ்டர் குகேஷ் தோல்வி. 

🏀மற்றொரு ஆட்டத்தில் உஸ்பெகிஸ்தானின் அப்துசத்தோரோவ் 38-வது காய் நகர்த்தலில் இந்தியாவின் நிஹால் சரினை தோற்கடித்தார்.

Today's Headlines

🗒️ After the announcement that the minimum qualifying marks for the NEET exam will be increased, the Medical Students' Association has urged the National Medical Commission to reconsider the decision.

🗒️ The Central Government has recovered 615 ancient artefacts that had been smuggled from India to other countries.

🗒️ Indian-origin MP Kanishka Narayan has been appointed as the UK's first Minister for Artificial Intelligence (AI) in the cabinet of the new British Prime Minister, Andy Burnham.

Sports News

🏀 Chess Grandmaster D. Gukesh lost his match in the Chennai Grandmasters Chess competition.

🏀 In another match, Nodirbek Abdusattorov from Uzbekistan defeated India's Nihal Sarin on the 38th move of their chess game.

Covai women ICT_போதிமரம்

 

பள்ளி காலை வழிபாட்டுச் செயல்பாடுகள் - 21.07.26

திருமதி பிரதீபா பாட்டீல்

திருக்குறள்: 

பால் : பொருட்பால்

இயல் : அரசியல்

அதிகாரம்:46 சிற்றினம் சேராமை

குறள் எண்:454

குறள்:

மனத்து ளதுபோலக் காட்டி ஒருவற்கு
இனத்துள தாகும் அறிவு.

பொருள்:

ஒருவரின் அறிவு அவரது மனத்தின் இயல்பு என்பது போல் தோன்றினாலும், அது அவர் சேர்ந்த கூட்டத்தாரின் தொடர்பால் வெளிப்படுவதேயாகும்.

பழமொழி :

Forgive and forget.

மன்னிப்போம், மறப்போம்.

இரண்டொழுக்க பண்புகள் :.

1. பொது அறிவு மற்றும் நற்பண்புகளால் என்னை நான் உயர்த்திக் கொள்வேன். 

2. என் பெற்றோரையும் ஆசிரியர்களையும் துன்புறுத்தும் எந்த ஒரு செயலையும் நான் ஒருபோதும் செய்ய மாட்டேன்.

பொன்மொழி : 

“ஒன்றே குலம், ஒருவனே தேவன்.”

Thought for the Day :

✨ “Don’t wait for the right time; make the time right with your effort.”

பொது அறிவு : 

1.புலாங்குழலில் மொத்தம் எத்தனை துளைகள் உள்ளன? 

7 துளைகள். 

2. உலகில் அதிக நாடுகள் கொண்ட கண்டம் எது?

ஆப்பிரிக்கா.

English words :

Eager - Very interested and excited, ஆர்வமுள்ள.

Fragile - Easily broken or damaged, எளிதில் உடையக்கூடிய

புவியியலும் சுற்றுசூழலும் :

தீவுகள் (Islands) – நான்கு பக்கமும் நீரால் சூழப்பட்ட நிலப்பகுதிகள்.
தீபகற்பங்கள் (Peninsulas) – மூன்று பக்கமும் நீரால் சூழப்பட்டு, ஒரு பக்கம் நிலத்துடன் இணைந்த பகுதிகள். நமது இந்தியா ஒரு தீப கற்ப நாடு

NMMS :

MAT - MATHS

கொடுக்கப்பட்டுள்ள படங்களில் வேறுபட்டதைத் தேர்ந்தெடு 

விடை: (3)

ஜூலை 21

21 July 2007 – Pratibha Patil became the first woman President of India.

21 ஜூலை 2007 - திருமதி பிரதீபா பாட்டீல் அவர்கள் இந்தியாவின் முதல் பெண் குடியரசுத்தலைவர் ஆனார்.

நீதிக்கதை

 "அறிவாளி அணிலும் பிடிவாத முயலும்"

ஒரு பெரிய காட்டில் ஒரு பள்ளி இருந்தது. அங்கே ஆந்தை ஆசிரியர் அனைத்து குட்டி விலங்குகளுக்கும் பாடம் சொல்லிக் கொடுத்தார்.

ஒருநாள் ஆந்தை ஆசிரியர் கூறினார்:

"நாளை மழை வரும். அனைவரும் குடையோ அல்லது மழைக்கோட்டோ கொண்டு வாருங்கள்."

அணில் ஆசிரியரின் வார்த்தையைக் கேட்டு வீட்டில் சென்று குடையை எடுத்துவைத்தது.

ஆனால் முயல், "ஆசிரியர் எப்போதும் இப்படித்தான் சொல்வார். மழை வராது!" என்று நினைத்து எதையும் எடுத்துச் செல்லவில்லை.

மறுநாள் பள்ளிக்குச் செல்லும் வழியில் பலத்த மழை பெய்தது.

அணில் குடையை விரித்து நனையாமல் பள்ளிக்குச் சென்றது.

முயல் முழுவதும் நனைந்து, குளிரால் நடுங்கிக்கொண்டு பள்ளிக்கு வந்தது.

ஆந்தை ஆசிரியர் அன்பாகக் கேட்டார்:

 "முயலே! நான் சொன்னதை ஏன் கேட்கவில்லை?"

முயல் தலைகுனிந்து,

"ஆசிரியரே, உங்கள் அறிவுரையை மதிக்கவில்லை. இனிமேல் ஆசிரியர்கள் சொல்லும் நல்ல வார்த்தைகளைக் கேட்டு கீழ்ப்படிவேன்." என்றது.

ஆந்தை ஆசிரியர் புன்னகையுடன்

 "ஆசிரியர்கள் மாணவர்களின் நன்மைக்காகவே அறிவுரை கூறுகிறார்கள். கீழ்ப்படிதல் நம்மைக் காப்பாற்றும்" என்றார்.

கதையின் நன்னெறி:

ஆசிரியர்கள் கூறும் நல்ல அறிவுரைகளுக்குக் கீழ்ப்படிவது நம்மை பாதுகாத்து, வெற்றிப் பாதையில் நடத்தும்.

இன்றைய செய்திகள்

21.07.2026

🗒️ சர்வதேச சதுரங்க தினமான நேற்று தமிழக முதல்வர் ஜோசப் விஜய் அவர்கள் சதுரங்க கிராண்ட் மாஸ்டர்களுக்கு வாழ்த்துகளைத் தெரிவித்து, பாராட்டினார்.

🗒️ திடக்கழிவு மேலாண்மையை ஆய்வு செய்த முதல்வர் பிளாஸ்டிக் கழிவுகள் கொண்டு சாலைகள் அமைக்கவும்  எரிபொருளாகவும் பயன்படுத்த செயல்திட்டங்களை செயல்படுத்துமாறு அறிவுறுத்தி உள்ளார்.

🗒️ மிகப்பெரிய தயிர் ஆலை அமைக்க ,மேற்கு வங்கம்  ஹவுராவில் மத்திய உள்துறை அமைச்சர் அமித் ஷா அடிக்கல் நாட்டினர்.

 விளையாட்டுச் செய்திகள்

🏀உலக கோப்பை கால்பந்து FIFAஇறுதிப் போட்டியில் வென்ற  ஸ்பெயின் அணிக்கு கோப்பையை வழங்கிய அமெரிக்க ஜனாதிபதி டிரம்ப்.  ஸ்பெயின் அணி, அர்ஜென்டினா அணியை    1-0 என்ற கோல் கணக்கில் வீழ்த்தி உலகக்கோபையை வென்றது.

🏀சென்னை கிராண்ட்மாஸ்டர்ஸ்: 4-வது சுற்றில் 4 ஆட்டங்களும் டிரா. குகேஷ், 41-வது காய் நகர்த்தலில் நோடிர்பெக் அப்துசத்தோரோவுடன் டிரா செய்தார்.

Today's Headlines

🗒️ On International Chess Day yesterday, Tamil Nadu Chief Minister Joseph Vijay congratulated and appreciated the Chess Grandmasters.

🗒️ After reviewing solid waste management, the Chief Minister instructed officials to implement projects to use plastic waste for road construction and as fuel.

🗒️ Union Home Minister Amit Shah laid the foundation stone for a large curd (yogurt) factory in Howrah, West Bengal.

Sports News

🏀 Spain won the FIFA World Cup by defeating Argentina 1–0 in the final. U.S. President Donald Trump presented the World Cup trophy to the Spanish team.

🏀 Chennai Grandmasters: All four games in the 4th round ended in draws. D. Gukesh drew with Nodirbek Abdusattorov after the 41st move.

Covai women ICT_போதிமரம்