பள்ளி காலை வழிபாட்டு செயல்பாடுகள் - 29.11.2024

  

திருக்குறள்: 

பால்: பொருட்பால்

அதிகாரம்: புல்லறிவாண்மை

குறள் எண்: 844

வெண்மை எனப்படுவது யாதுஎனின் ஒண்மை
உடையம்யாம் என்னும் செருக்கு.

பொருள்:
புல்லறிவு என்று சொல்லப்படுவது யாது என்றால், 'யாம் அறிவுடையேம்' என்று ஒருவன் தன்னைத்தானே' மதித்துக் கொள்ளும் செருக்காகும்.

பழமொழி :

சிப்பியிலே விழுந்த மழைத்துளி முத்தாகும். அதுபோல , நல்லவர்ககுச் செய்த உதவி நிலை நிற்கும். 

A raindrop that falls on an oyster shell will become a pearl, so a benefit conferred on the virtuous will endure.

இரண்டொழுக்க பண்புகள் :  

  * நான் குளிர்காலங்களில் குளிர்காப்பு ஆடைகளை அணிவேன்.                       

  *நான் கொதிக்க வைத்து ஆற வைத்த குடிநீரையே குடிப்பேன்.

பொன்மொழி :

உடல்நலத்தை பாதுகாப்பது போல நேர்மையையும் கடைப்பிடிக்க வேண்டும்- ஜவஹர்லால் நேரு

பொது அறிவு : 

1. ரங்கசாமி கப் எந்த விளையாட்டுடன் தொடர்புடையது?

விடை : ஹாக்கி. 

2.கூடைப்பந்து விளையாட்டில் ஒர் அணியில் ஆடுவோர் எண்ணிக்கை எத்தனை?

விடை: 5

English words & meanings :

Jolly   -    மகிழ்ச்சியான

Excitement     -    உற்சாகம் 

வேளாண்மையும் வாழ்வும் : 

பரிந்துரைக்கப்பட்ட பயனுள்ள பூச்சிகளில், மைன்யூட் பைரேட் பக்ஸ் பிக் ஐட் பக்ஸ் மற்றும் குறைந்த அளவில் (பறந்து விடக் கூடிய) லேடி பக்ஸ் ஆகியவையாகும். இவை அனைத்துமே பல வகையான பூச்சிகளைத் தின்னக் கூடியவை.

நீதிக்கதை

 நல்லதும், கெட்டதும் 

ஒரு சீடன் தன் குருவிடம், 

"நல்லதை படைத்த ஆண்டவன் தானே கெட்டதையும் படைத்துள்ளார். அதனால் நல்லதை மட்டும் ஏற்பதை போல் கெட்டதையும்  ஏற்றால் என்ன?" என்று கேட்டார்.  

அதற்கு குரு சிரித்துக்கொண்டே, "அது அவரவர் விருப்பம்" என்றார். பகல் உணவு வேலை வந்தது. அந்த சீடன் தனக்கு அளிக்கப்பட்ட உணவை பார்த்து அதிர்ந்து விட்டான். ஒரு கிண்ணத்தில் பாலும்,மறு கிண்ணத்தில் பசுமாட்டுச் சாணமும் வைக்கப்பட்டு, சீடனிடம் உணவருந்த கொடுக்கப்பட்டது.

 குரு புன்முறுவலுடன் சீடனிடம், 

"பால்,சாணம் இரண்டுமே பசு மாட்டிடமிருந்து தானே கிடைக்கிறது. பாலை ஏற்றுக் கொள்வது போல் சாணத்தையும் ஏற்றுக் கொள்ளக் கூடாதா? " என்று கேட்டார். சீடன் விழித்தான். குரு தொடர்ந்தார். 

"பால் போன்ற நல்லவை  நாம் மகிழ்வாய் வாழ,அதனை அப்படியே ஏற்கலாம். சாணத்தை விலக்கி மண்ணில் புதைத்து உரமாக்குவது போல்  கெட்டதை விலக்கி  புதைத்து அது தரும் பாடத்தை வாழ்விற்கு உரமாக்கி உயரும் வல்லமை ஏற்க வேண்டும்" என்றார்.

இன்றைய செய்திகள்

29.11.2024

* புதுச்சேரிக்கு 2 நாட்கள் ‘ரெட் அலர்ட்’ - முன்னெச்சரிக்கை நடவடிக்கை தீவிரம்.

* 3 ஆண்டுகளில் 1.69 லட்சம் இலவச வேளாண் மின் இணைப்புகள்: அமைச்சர் செந்தில்பாலாஜி பெருமிதம்.

* தமிழகத்தில் ஐபிஎஸ் அதிகாரிகள் 5 பேரை பணியிடம் மாற்றம் செய்து உள்துறை செயலர் தீரஜ் குமார் உத்தரவிட்டுள்ளார்.

* அணு ஆயுத தாக்குதல் நடத்தும் திறன் கொண்ட கலாம் 4 ஏவுகணை நீர்மூழ்கியில் இருந்து வெற்றிகரமாக சோதனை செய்யப்பட்டது.

* தஜிகிஸ்தானில் நிலநடுக்கம்; ரிக்டர் அளவில் 4.6 ஆக பதிவு.

* சர்வதேச பேட்மிண்டன்: முதல் சுற்றில் சிந்து, லக்சயா சென் வெற்றி.

* ஜூனியர் ஆசிய கோப்பை ஹாக்கி: தாய்லாந்தை வீழ்த்தி இந்தியா அபார வெற்றி.

Today's Headlines

* Puducherry was on a 'red alert' for 2 days, and precautionary measures intensified.

* 1.69 lakh free agricultural power connections in 3 years: Minister Senthil Balaji is proud of this achievement.

* Home Secretary Dheeraj Kumar has ordered the transfer of 5 IPS officers in Tamil Nadu.

* Kalam 4 missile, capable of carrying out nuclear weapons, was successfully tested from a submarine.

* Earthquake in Tajikistan; recorded at 4.6 on the Richter scale.

* International badminton: Sindhu and Lakshya Sen win in the first round.

* Junior Asia Cup hockey: India won a huge victory by defeating Thailand.

 Prepared by

Covai women ICT_போதிமரம்

பள்ளி காலை வழிபாட்டு செயல்பாடுகள் - 28.11.2024

 
 

ஜோர்டான் ஆறு

திருக்குறள்:

"பால் பொருட்பால் அதிகாரம்:

 புல்லறிவாண்மை 

குறள் எண்:843

அறிவிலார் தாம்தம்மைப் பீழிக்கும் பீழை

 செறுவார்க்கும் செய்தல் அரிது.

பொருள்: அறிவில்லாதவர் தம்மைத் தாமே துன்புறுத்தும்

துன்பம் அவருடைய பகைவர்க்கும் செய்ய முடியாத அளவினதாகும்."

பழமொழி :

சிநேகம் செய்யுமுன் ஆராய்தல் செய், செய்தபின் ஐயப்படாதே.  

Form friendships after due deliberation, having done so do not give place to doubt.

இரண்டொழுக்க பண்புகள் :  

  * நான் குளிர்காலங்களில் குளிர்காப்பு ஆடைகளை அணிவேன்.                       

  *நான் கொதிக்க வைத்து ஆற வைத்த குடிநீரையே குடிப்பேன்.

பொன்மொழி :

நேர்மறை எண்ணங்களே சாதனைக்கு வழிகாட்டும்.- ஹெலன் கெல்லர்

பொது அறிவு : 

1. மீன்கள் இல்லாத ஆறு எது?  

விடை: ஜோர்டான் ஆறு.          

2. இந்தியாவில் உயர்கல்வியில்  அதிக மாணவர் சேர்க்கை கொண்ட மாநிலங்கள் பட்டியலில் முதலிடம் வகிக்கும் மாநிலம் எது? 

விடை : தமிழ்நாடு  

English words & meanings :

 Hungry -  பசி

Interest. -  விருப்பம்

வேளாண்மையும் வாழ்வும் : 

மேலும், நன்மை பயக்கக் கூடிய நுண்ணுயிர்கள் மற்றும் நன்மை பயக்கக் கூடிய பூச்சிகள் ஆகியவற்றைத் தங்க வைத்து அவை செயல்பட ஊக்கமளித்து, செடிகளை பூச்சிகளில் இருந்து பாதுகாக்கலாம்

நீதிக்கதை

 எறும்பு 

ஒரு ஆசிரமத்தில் குரு ஒருவர் தனது சீடர்களுக்கு துன்பம் வந்தால் எப்படி தன்னம்பிக்கையுடன் மனதை தளர விடாமல் வைத்திருக்க வேண்டும் என்பதை ஒரு எறும்பு கதையின் மூலமாக  கூறி புரிய வைக்க நினைத்தார்.

 "ஒரு நாள் ஓர் எறும்பு  சற்று நீளமான உணவுப் பொருளை தன் வாயில் தூக்கிக்கொண்டு செல்லும் வழியில் ஒரு விரிசல் தென்பட்டது.அந்த விரிசலை தாண்டி உணவுப்பொருளை எடுத்து செல்ல முடியாமல் தவித்தது.

சிறிது நேரம் கழித்து, அந்த எறும்பு தனது உணவை அந்த விரிசலின் மீது வைத்து,அதன் மீது ஊர்ந்து சென்று விரிசலை கடந்து பின்பு தனது உணவுப் பொருளை எடுத்துக்கொண்டு தன்னுடைய இருப்பிடம் நோக்கிச் சென்றது" என்று சீடர்களிடம் கூறினார்.

மேலும் "நாமும் நம்முடைய வாழ்வில் வரும் துன்பத்தை பாலமாக வைத்து நம் வாழ்வில் முன்னேறி செல்ல வேண்டும். அந்த சிறு எறும்பின் தன்னம்பிக்கை நம்மிடம் இருந்தாலே நமது வாழ்வின் துன்பங்களை எளிதில் கடந்து செல்லலாம்"என்று கூறி கதையை முடித்தார்.

இன்றைய செய்திகள்

28.11.2024

* “ஸ்வச் பாரத் 2.0 திட்டத்தைப் பயன்படுத்தி கடந்த 3 ஆண்டுகளாக திடக்கழிவு மேலாண்மையில் தமிழ்நாடு முதலிடம் வகிக்கிறது”

* ‘விஸ்வகர்மா திட்டத்தை தமிழக அரசு செயல்படுத்தாது’ - மத்திய அரசிடம் முதல்வர் ஸ்டாலின் திட்டவட்டம்.

* நாகை 3-வது நாளாக கனமழையால் தத்தளிப்பு; டெல்டா மாவட்டங்களில் பயிர்கள் சேதம்.

* எதிர்க்கட்சிகள் தொடர் அமளி: 2-வது நாளாக நாடாளுமன்ற இரு அவைகளும் முடங்கின.

* நிலத்தடி நீரை அதிகம் உறிஞ்சுவதால் பூமி அச்சு 31.5 அங்குலம் சாய்ந்தது: புவி இயற்பியல் ஆய்வில் தகவல்.

* உலக செஸ் சாம்பியன்ஷிப் போட்டி: 2-வது சுற்றில் இந்திய வீரர் குகேஷ் டிரா.

* டெஸ்ட் தரவரிசை: பந்துவீச்சாளர்கள் பட்டியலில் மீண்டும் முதலிடம் பிடித்த பும்ரா.

Today's Headlines

* “Tamil Nadu has been leading in solid waste management for the last 3 years using the Swachh Bharat 2.0 program”

* ‘Tamil Nadu government will not implement the Vishwakarma program’ - Chief Minister Stalin's firm response to the Central government.

* Nagai  reels under heavy rain for the 3rd day; crops damaged in delta districts.

* Opposition parties continue to create chaos: Both houses of Parliament adjourned for the 2nd day.

* Earth's axis has tilted by 31.5 inches due to excessive groundwater absorption: information from Geophysical survey data.

* World Chess Championship: Indian player Kukesh draws in the 2nd round.

* Test rankings: Bumrah once again tops the bowlers' list.

 Prepared by

Covai women ICT_போதிமரம்

பள்ளி காலை வழிபாட்டு செயல்பாடுகள் - 27.11.2024

 

புரூஸ் லீ

 

திருக்குறள்: 

"பால் :பொருட்பால்

 அதிகாரம்: புல்லறிவாண்மை

 குறள் எண்:842

 அறிவிலான் நெஞ்சுஉவந்து ஈதல் பிறிதுயாதும்

 இல்லை பெறுவான் தவம்.

பொருள்:அறிவில்லாதவன் மனம் மகிழ்ந்து ஒரு பொருளைக் கொடுத்தலுக்குக் காரணம், வேறொன்றும் இல்லை; 

 அந்தப் பொருளைப் பெறுகின்றவனுடைய நல்வினையே ஆகும்."

பழமொழி :

Learning is youth is an engraving on a rock.

இளமையில் கல்வி சிலை மேல் எழுத்து

இரண்டொழுக்க பண்புகள் :  

  * நான் குளிர்காலங்களில் குளிர்காப்பு ஆடைகளை அணிவேன்.                       

  *நான் கொதிக்க வைத்து ஆற வைத்த குடிநீரையே குடிப்பேன்.

பொன்மொழி :

உன்னால் முடியாது என பலர் என்னிடம் கூறிய வார்த்தைகளை என்னை வெற்றியின் பக்கம் தள்ளியது - ஜாக்கிசான்

பொது அறிவு : 

1. அணிலின் அறிவியல் பெயர் என்ன ? 

 ரோடன்ஷியா ஸ்குயிரஸ். 

 2. பாம்புகளிடம் சுரக்கப்படும் விஷத்திற்கு என்ன பெயர் ? 

 வெனம்.(Venom)

English words & meanings :

Happy - மகிழ்ச்சி

Hot -  சூடான 

வேளாண்மையும் வாழ்வும் : 

பூச்சிக் கொல்லிகளின் உபயோகத்தைத் தவிர்ப்பதற்கு, இயற்கையிலேயே எதிர்ப்பு சக்தி உடைய தாவரங்களைத் தேர்ந்தெடுக்கலாம்.

நவம்பர் 27

லீ ஜூன் ஃபேன் புரூஸ் (Lee Jun-fan) (நவம்பர் 27, 1940 – ஜூலை 20 1973) இவரின் திரைப்படப் பெயரான புரூஸ் லீ என பரவலாக அறியப்படும். இவர்  ஆங்காங் மற்றும் அமெரிக்கத் திரைப்பட நடிகர், இயக்குநர் (திரைப்படம்), தற்காப்புக் கலைஞர், தற்காப்புக் கலைகள் பயிற்றுநர், மெய்யியலாளர்கள், ஜீத் குன் தோ எனும் உஷூ அல்லது சீன சண்டைக் கலையைத் தோற்றுவித்தவரும் ஆவார். இவரின் பெற்றோர் கன்தோனிஸ் ஆபரா , லீ ஹோய் சுன். இவர் ஊடகவியலாளார்கள், விளக்கவுரையாளர்கள், விமர்சகர்கள், மற்றும் தற்காப்புக் கலைஞர்களால் அனைத்துக் கால தற்காப்புக் கலைகளில் சக்திவாய்ந்த ஆளுமையாகப் பார்க்கப்படுகிறார். 

நீதிக்கதை

 முடிவு

ஒரு நாள் ஒரு சிறுத்தை பசியுடன் உணவை தேடியது. அப்போது ஒரு கருப்பு மானையும் புள்ளி மானையும் கண்டது.

அவை இரண்டும் ஒரு மலை அடிவாரத்தில் மேய்ந்து கொண்டிருந்தன. சிறுத்தை மிகவும் கவனத்துடன் மலை அடிவாரத்திற்கு அருகே சென்றது.

ஆனால் எந்த மானை தாக்குவது என்று அது முடிவு செய்யவில்லை. அதே நேரத்தில் சிறுத்தையை பார்த்த இரண்டு மான்களும் ஓட துவங்கின. பிறகு அவை இரண்டும் ஓர் இடத்தில் வலதும் இடதுமாக ஓடத் தொடங்கின.

சிறுத்தை அந்த இடத்திற்கு வந்ததும் எதை துரத்தலாம்? என்று யோசித்தது. பின்பு, "கருப்பு மானை துரத்தலாம் கருப்பு மானின் இறைச்சி தான் வெகு ருசியாக இருக்கும்" என்று கூறிக் கொண்டே கருப்பு மானை துரத்தியது.

 ஆனால் அதற்குள் கருப்புமான்  வெகு தூரம் ஓடிவிட்டது. பின்பு சிறுத்தை, "இது வேகமாக ஓடக்கூடிய மான் இதை நாம் நம்மால் பிடிக்க இயலாது. எனவே, நாம் புள்ளிமானை துரத்துவோம்" என்று திரும்பி வந்து, 

 எதிர்பாதையில் ஓடத் தொடங்கியது. ஆனால்

 புள்ளிமானோ ஏற்கனவே வெகு தூரம் ஓடிவிட்டது.

சிறுத்தை, முடிவெடுப்பதில் சிறிது  தயக்கம் காட்டியதால் எந்த மானையும் பிடிக்க இயலவில்லை.

நீதி : எந்த ஒரு விஷயத்திலும் முடிவு எடுப்பதில் தயக்கம் காட்டாமல்,  விரைந்து முடிவெடுத்து,எடுத்த முடிவில் நிலையாக இருக்க வேண்டும்.

இன்றைய செய்திகள்

27.11.2024

* நோயாளிகளுக்கு தரமான உணவு வழங்கப்படுவதால் சென்னை ராஜீவ்காந்தி அரசு பொது மருத்துவமனைக்கு உணவு பாதுகாப்புத் துறை சார்பில் ‘ஈட் ரைட் கேம்பஸ்’ என்ற சான்றிதழ் வழங்கப்பட்டுள்ளது.

* ஆழ்ந்த காற்றழுத்த தாழ்வு மண்டலம் புயலாக மாற வாய்ப்பு. இன்று 10 மாவட்டங்களுக்கு மிக கனமழை எச்சரிக்கை: வானிலை ஆய்வு மையம் தகவல்.

* சூரியனைப் பற்றிய ஆய்வுக்காக, ஐரோப்பிய விண்வெளி நிறுவனம் உருவாக்கிய உலகின் முதல் இணை செயற்கைக்கோள்களை, பிஎஸ்எல்வி ராக்கெட் மூலம் டிசம்பர் 4-ம் தேதி  விண்ணுக்கு அனுப்புகிறது இஸ்ரோ.

* மியான்மரில் லேசான நிலநடுக்கம்: ரிக்டர் அளவில் 4.4 ஆக பதிவு.

* ஆசிய கோப்பை கூடைப்பந்து தகுதி சுற்று: கஜகஸ்தானை வீழ்த்தியது இந்தியா.

* ஆசிய சாம்பியன்ஸ் லீக் கால்பந்து போட்டியின் இன்றைய ஆட்டத்தில் அல்-நாசர் அணி வெற்றி.

Today's Headlines

* Rajiv Gandhi Government General Hospital, Chennai has been awarded the ‘Eat Right Campus’ certificate by the Food Safety Department for providing quality food to patients.

* Deep depression likely to turn into a cyclone. Very heavy rain warning for 10 districts today: Meteorological Department information.

* ISRO will launch the world’s first co-satellites developed by the European Space Agency to study the Sun on December 4 using PSLV rocket.

* Mild earthquake in Myanmar: 4.4 on the Richter scale.

* Asian Cup basketball qualifiers: India defeats Kazakhstan.

* Al-Nassr team wins today’s match of the Asian Champions League football tournament.

 Prepared by

Covai women ICT_போதிமரம்