பள்ளி காலை வழிபாட்டு செயல்பாடுகள் - 29.10.2026

திருக்குறள்: 

பால் : பொருட்பால்

இயல் : அரசியல்

அதிகாரம்:52. தெரிந்து வினையாடல்

குறள் எண்:519

குறள்:

வினைக்கண் வினையுடையான் கேண்மைவே றாக
நினைப்பானை நீங்கும் திரு.

பொருள்:

எப்போதும் தன் தொழிலிலே முயற்சி உடையவனது நட்பினைப் பாராட்டாமல், வேறாக நினைப்பவனை விட்டுச் செல்வம் தானும் நீங்கிவிடும்.

பழமொழி :

Think of everybody alike.

தன்னைப்போல பிறரை நினை.

இரண்டொழுக்க பண்புகள் :.

1. தோல்வியைக் கண்டு துவள மாட்டோம்; வெற்றிக்காக முயல்வோம்.

2. மரங்களை வளர்ப்போம்; இயற்கையைப் பாதுகாப்போம்.

பொன்மொழி : 

International Day of Care and Support,

அன்புடன் அரவணைப்போம்; அக்கறையுடன் ஆதரிப்போம்; மனிதநேயத்தால் மகத்தான உலகைப் படைப்போம்!”

Thought for the Day :

“Care with love, support with kindness, and build a better world with humanity.”

பொது அறிவு : 

1. கடலில் கலக்காத பெரிய நதி எது? 

யமுனை. 

2.அப்துல் கலாம் தீவு எந்த மாநிலத்தில் அமைந்துள்ளது? 

ஒடிசா. 

English words :

1. Compassion – Sympathy – இரக்கம்

2. Vague – Unclear – தெளிவற்ற

புவியியலும் சுற்றுசூழலும் :

இனி நாம் காணப் போவது நகராட்சி. நகராட்சி என்றால் என்ன?

நகர்ப்புறப் பகுதிகளில் மக்களுக்குத் தேவையான அடிப்படை வசதிகளை ஏற்படுத்தி, நகரத்தின் வளர்ச்சியையும் தூய்மையையும் பராமரிக்கும் உள்ளாட்சி அமைப்பு நகராட்சி (Municipality) எனப்படும்.

NMMS :

MAT 

நுகர்வோர் பாதுகாப்பு சட்டம் இயற்றப்பட்ட ஆண்டு _________________ 

 (1) 1886. 

 (2) 1986. 

 (3) 2006. 

 விடை: (2) 1986

அக்டோபர் 29

உலக பக்கவாத நாள் (World Stroke Day) 

ஒவ்வோர் ஆண்டும் அக்டோபர் 29 ஆம் நாளன்று உலக பக்கவாத நாள் (World Stroke Day)  அனுசரிக்கப்படுகிறது. பக்கவாதத்தின் தீவிர தன்மையையும் அதிக விகிதங்களையும் அடிக்கோடிட்டுக் காட்டுவதும் அந்த நிலையின் தடுப்பு மற்றும் சிகிச்சை குறித்த விழிப்புணர்வை ஏற்படுத்துவதும் உயிர் பிழைத்தவர்களுக்கு சிறந்த கவனிப்பு மற்றும் ஆதரவை உறுதி செய்வதும் உலக பக்கவாத நாள் அனுசரிக்கப்படுவதன் நோக்கங்களாகும். மனித உடலில் ஏற்படும் ஆரோக்கிய பிரச்சினைகளில் முக்கியமானது, ‘பக்கவாதம்.’ ஒரு மனிதனை செயல்பட விடாமல் ஓரிடத்தில் முடக்கிப்போடும் அபாயகரமான நோயில் இதுவும் ஒன்று.மூளையில் உள்ள ரத்தக் குழாய்களில் ஏற்படும் அடைப்பு காரணமாக, மூளை செயல் இழப்பதால் இந்த பக்கவாத நோய் ஏற்படுகிறது. வலது, இடது என்று இரண்டு பாகங்களாக பிரிந்திருப்பது மூளை. வலதுபக்க மூளை இடது பக்க உடலையும், இடதுபக்க மூளை வலது பக்க உடலையும் கட்டுப்படுத்துகின்றன. இதில் ஒரு பக்கம் செயல்படாமல் போனாலும் மற்றவை செயல்படாது.

நீதிக்கதை

 லஞ்சம் வாங்கவும் கூடாது, கொடுக்கவும் கூடாது!

ஒரு ஊரில் நேர்மையான அரசு அலுவலர் ஒருவர் வாழ்ந்து வந்தார். அவருடைய பெயர் சித்தார்த். அவர் எப்போதும் நேர்மையாகவும், நியாயமாகவும் தன்னுடைய கடமையைச் செய்து வந்தார்.

அதே ஊரில் அன்வர் என்ற விவசாயி வாழ்ந்து வந்தார். அவர் தனது விவசாய நிலத்திற்குத் தேவையான அரசு உதவியைப் பெறுவதற்காகச் சித்தார்த்தின் அலுவலகத்திற்குச் சென்றார்.

அப்போது அங்கிருந்த ஒருவர், “உங்களுக்கு இந்த உதவி விரைவாகக் கிடைக்க வேண்டுமென்றால், அலுவலருக்குக் கொஞ்சம் பணம் கொடுக்க வேண்டும்” என்று கூறினார்.

இதைக் கேட்ட அன்வர் தயங்கினார். பின்னர், “என்னுடைய உரிமையைப் பெறுவதற்கு நான் ஏன் லஞ்சம் கொடுக்க வேண்டும்? நேர்மையான வழியில் முயற்சி செய்து பார்க்கிறேன்” என்று முடிவு செய்தார்.

அவர் சித்தார்த்தைச் சந்தித்து, தனக்குத் தேவையான உதவியைப் பற்றிக் கூறினார். சித்தார்த்தும் அவருடைய ஆவணங்களைச் சரிபார்த்து, விதிமுறைகளின்படி உதவி கிடைக்க ஏற்பாடு செய்தார்.

அப்போது அன்வர் மகிழ்ச்சியுடன், “ஐயா, உங்கள் நேர்மைக்கு நன்றி! உங்களுக்கு ஒரு சிறிய பரிசாக இந்தப் பணத்தை வைத்துக்கொள்ளுங்கள்” என்று கூறினார்.

உடனே சித்தார்த், “அன்வரே, என் கடமையைச் செய்வதற்காக நான் பணம் வாங்குவது தவறு. அதேபோல், நம் உரிமையைப் பெறுவதற்காகவும் யாருக்கும் லஞ்சம் கொடுக்கக் கூடாது. லஞ்சம் என்பது நேர்மையையும் நீதியையும் அழிக்கும் தீய பழக்கம்” என்று அறிவுரை கூறினார்.

சித்தார்த்தின் நேர்மையைப் பாராட்டிய அன்வர், இனிமேல் லஞ்சம் கொடுக்கவோ, வாங்கவோ மாட்டேன் என்று உறுதியெடுத்தார். அந்த ஊர் மக்களும் அவரைப் பின்பற்றி நேர்மையுடன் வாழத் தொடங்கினர்.

### நீதிக்கருத்து

“லஞ்சம் வாங்குவதும் தவறு; லஞ்சம் கொடுப்பதும் தவறு. நேர்மையே நம் வாழ்க்கையின் உண்மையான செல்வம்!”

இன்றைய செய்திகள்

29.10.2026

🗒️சிறுபான்மையினருக்கு கடன் உதவி வழங்குவதில்  தமிழ்நாடு பொருளாதார மேம்பாட்டு கழகம்  TAMCO விற்கு முதல் பரிசு.

🗒️சுங்கச்சாவடி அருகே வசிப்பவர்களுக்கு புதிய வருடாந்திர ‘பாஸ்டேக் பாஸ்’ நவம்பர் 1 -ந்தேதி முதல் அமலுக்கு வருகிறது.

🗒️பெட்ரோலில் எத்தனால் கலப்பு 20 சதவீதத்தை தாண்டாது: மத்திய அரசு தகவல் ரஷியாவிடமிருந்து கச்சா எண்ணெய் வாங்கப்படுவதாக மத்திய அரசுத் தகவல்.

விளையாட்டுச் செய்திகள்

🏀ரக்பியில் இந்திய மகளிர் அணி அபாரம்... நியூசிலாந்தை 17-0 என வீழ்த்தி அசத்தல்.

🏀உலக மல்யுத்த சாம்பியன்ஷிப்: இறுதிப்போட்டியில் 2 இந்திய வீராங்கனைகள்  காஜல், நீலம். வரலாறு படைத்தனர்.

Today's Headlines

🗒️ First Prize for TAMCO: The Tamil Nadu Minorities Economic Development Corporation (TAMCO) has won first prize for providing loan assistance to minorities.

🗒️ New FASTag Pass: A new annual FASTag pass for people living near toll plazas will come into effect from November 1.

🗒️ Ethanol Mixing in Petrol: The Central Government has said that ethanol blending in petrol will not exceed 20%.

🗒️ Crude Oil from Russia: The Central Government has confirmed that India is buying crude oil from Russia.

🏆 Sports News

🏀 India Women Shine in Rugby: The Indian women's rugby team defeated New Zealand 17–0 brilliantly.

🏀 World Wrestling Championship: Two Indian women wrestlers, Kajal and Neelam, reached the final and created history.

Covai women ICT_போதிமரம்

பள்ளி காலை வழிபாட்டு செயல்பாடுகள் - 28.10.2026

பில் கேட்ஸ்

திருக்குறள்: 

பால் : பொருட்பால்

இயல் : அரசியல்

அதிகாரம்:52. தெரிந்து வினையாடல்

குறள் எண்:518

குறள்:

வினைக்குரிமை நாடிய பின்றை அவனை
அதற்குரிய னாகச் செயல்.

பொருள்:

இந்த வேலைக்குத் தகுந்தவன் இவன் என்று ஆராய்ந்து கண்ட பின்னால், அவனையே அந்த வேலைக்கு உரியவனாகச் செய்ய வேண்டும்.

பழமொழி :

Think before you act.

எண்ணித் துணிக கருமம்.

இரண்டொழுக்க பண்புகள் :.

1. தோல்வியைக் கண்டு துவள மாட்டோம்; வெற்றிக்காக முயல்வோம்.

2. மரங்களை வளர்ப்போம்; இயற்கையைப் பாதுகாப்போம்.

பொன்மொழி : 

கற்பனைக்கு உயிர் கொடுப்பது படைப்பாற்றல்; படைப்பாற்றலுக்குச் சிறகு கொடுப்பது முயற்சி!”

Thought for the Day :

“Creativity turns imagination into reality, and persistent effort turns ideas into achievements.”

பொது அறிவு : 

1. சுருக்கு எழுத்து முறையை கண்டுபிடித்தவர் யார்? 

சர் ஐசக் பிட்மன். 

2. தமிழ்நாட்டின் மிக நீளமான தேசிய நெடுஞ்சாலை NH44 எந்த இரு நகரங்களை இணைக்கிறது? 

ஓசூர் - கன்னியாகுமரி

English words :

1. Mundane – Ordinary – சாதாரணமான

2. Inevitable – Unavoidable – தவிர்க்க முடியாத

புவியியலும் சுற்றுசூழலும் :

அதி முக்கிய சதுப்புநிலக் காடுகள் (மாங்குரோவ்) குறித்து காண்போம்
* கடலோரச் சதுப்பு நிலங்களிலும் ஆற்றுக் கழிமுகங்களிலும் வளரும்.
* உப்புத்தன்மையைத் தாங்கும் தாவரங்கள் இங்கு காணப்படும்.
* கடலோர அரிப்பைக் குறைக்கவும் மீன்களின் இனப்பெருக்கத்திற்கு உதவவும் செய்கின்றன.
* காணப்படும் இடங்கள்: பிச்சாவரம், முத்துப்பேட்டை.

NMMS :

MAT 

ஒவ்வொரு ஆண்டும் எந்த நாளில் உலக மனித உரிமைகள் தினம் கொண்டாடப்படுகிறது? 

(1) டிசம்பர் 10. 

(2) அக்டோபர் 24. 

(3) செப்ம்பர் 2. 

(4) டிசம்பர் 5. 

விடை : (1) டிசம்பர் 10

அக்டோபர் 28

பில் கேட்ஸ் அவர்களின் பிறந்தநாள்

வில்லியம் ஹென்றி கேட்ஸ் (பில் கேட்ஸ்) (English: William Henry Gates or Bill Gates) (பி. அக்டோபர் 28, 1955) மைக்ரோசாப்ட் நிறுவனர்களில் ஒருவர். இவர் அதன் தலைமை கணிப்பொறி மென்பொருள் வல்லுனராகவும் (CSA), முதன்மை செயல் அதிகாரியாகவும் (CEO) பணியாற்றியுள்ளார். கோர்பிஸ் நிறுவனத்தினையும் நிறுவியுள்ளார். போர்பஸ் இதழின்படி உலகின் முதல் பணக்காரர் என்று அறியப்படுகிறார். உலகின் பெரும் செல்வந்தர்கள் பட்டியலில் தொடர்ந்து பன்னிரெண்டு ஆண்டுகளாக முதல் இடத்தினைப் பெற்று வருகிறார். 1999-ல் இவரின் குடும்பச் சொத்து மதிப்பு 100 பில்லியன் டாலர்களைக் கடந்தது.

நீதிக்கதை

 தூக்கத்தை வென்ற தொலைக்காட்சி!

ஒரு ஊரில் கவின் என்ற மாணவன் வாழ்ந்து வந்தான். அவன் ஆறாம் வகுப்பு படித்து வந்தான். படிப்பில் ஆர்வமுள்ளவனாக இருந்தாலும், இரவு நேரங்களில் திரைப்படங்களையும் தொலைக்காட்சித் தொடர்களையும் பார்ப்பதில் அதிக ஆர்வம் கொண்டிருந்தான்.

கவின் தினமும் இரவு உணவு சாப்பிட்ட பிறகு தொலைக்காட்சியைப் பார்க்கத் தொடங்குவான். ஒரு திரைப்படம் முடிந்ததும் மற்றொரு திரைப்படத்தைப் பார்ப்பான். சில நாட்களில் நள்ளிரவு வரை விழித்திருந்து தொலைக்காட்சியைப் பார்த்துவிட்டு, காலையில் தாமதமாக எழுவான்.

இதனால் பள்ளிக்குச் செல்லும்போது அவனுக்குத் தூக்கம் வரும். ஆசிரியர் பாடம் நடத்தும்போது கவனிக்க முடியாமல் போனது. விளையாட்டு நேரத்திலும் சோர்வாக இருந்தான். ஒருநாள் வகுப்பில் ஆசிரியர் கேட்ட எளிய கேள்விக்குக்கூட அவனால் பதில் சொல்ல முடியவில்லை.

இதைக் கவனித்த வகுப்பாசிரியர், கவினைத் தனியாக அழைத்து, “கவின், உனக்குத் திரைப்படங்களும் தொலைக்காட்சித் தொடர்களும் பிடிப்பது தவறல்ல. ஆனால், அவற்றைப் பார்ப்பதற்காக இரவு தூக்கத்தைத் தியாகம் செய்வது தவறு. நல்ல தூக்கம் இருந்தால்தான் மறுநாள் புத்துணர்ச்சியுடன் படிக்கவும் விளையாடவும் முடியும்” என்று அன்புடன் அறிவுரை கூறினார்.

ஆசிரியரின் அறிவுரையை ஏற்றுக்கொண்ட கவின், அன்று முதல் சில நல்ல பழக்கங்களைப் பின்பற்றத் தொடங்கினான். வீட்டுப்பாடங்களை மாலையிலேயே முடித்தான். தொலைக்காட்சி பார்ப்பதற்குக் குறிப்பிட்ட நேரத்தை ஒதுக்கினான். இரவு நேரத்தில் தொலைக்காட்சியை அணைத்துவிட்டு, சரியான நேரத்தில் உறங்கச் சென்றான்.

சில நாட்களிலேயே கவினுக்கு காலையில் சுறுசுறுப்பாக எழ முடிந்தது. வகுப்பில் பாடங்களைக் கவனமாகக் கேட்டான். தேர்வுகளிலும் நல்ல மதிப்பெண்கள் பெற்றான்.

ஒருநாள் அவனுடைய ஆசிரியர், “கவின், உன்னிடம் ஏற்பட்ட இந்த மாற்றத்திற்கு என்ன காரணம்?” என்று கேட்டார்.

அதற்குக் கவின், “ஆசிரியரே, திரைப்படங்களையும் தொலைக்காட்சித் தொடர்களையும் பார்ப்பதற்காகத் தூக்கத்தை இழக்கக் கூடாது என்பதைப் புரிந்துகொண்டேன். பொழுதுபோக்கு நமக்கு மகிழ்ச்சி தர வேண்டும்; நம் உடலுக்கும் படிப்புக்கும் பாதிப்பை ஏற்படுத்தக் கூடாது” என்றான்.

ஆசிரியர் அவனைப் பாராட்டினார். கவினின் நல்ல மாற்றத்தைப் பார்த்த மற்ற மாணவர்களும் இரவு நேரத்தில் தொலைக்காட்சி பார்ப்பதைக் கட்டுப்படுத்தி, சரியான நேரத்தில் உறங்கும் பழக்கத்தை வளர்த்துக்கொண்டனர்.

நீதி: இரவு நேரங்களில் அதிக நேரம் கண் விழித்துத் திரைப்படங்களையும் தொலைக்காட்சித் தொடர்களையும் பார்க்கக் கூடாது. சரியான நேரத்தில் உறங்கி, போதுமான தூக்கத்தைப் பெற்று, உடல்நலத்தையும் கல்வியையும் பாதுகாக்க வேண்டும்.

இன்றைய செய்திகள்

28.10.2026

🗒️வேகம் குறைந்த அர்னாப் புயல்: நவம்பர் 1-ந் தேதிக்குப் பிறகே தமிழகத்தில் மழை ஆனது  மேலும் வலுவடைந்து அதி தீவிரமடையும் .

🗒️30-ந்தேதி விண்ணில் பாயும் ஜி.எஸ்.எல்.வி. எப்-18 ராக்கெட் எனவே, மீனவர்கள் கடலுக்குச் செல்ல தடை விதிக்கப்பட்டுள்ளது.

🗒️கொச்சியில் நவம்பர் 20 முதல் 22 வரை 14-வது முப்படைகள் புகைப்பட கண்காட்சி நடைபெறும் என அறிவிக்கப்பட்டுள்ளது

விளையாட்டுச் செய்திகள்

🏀காமன்வெல்த் கபடி: அரைஇறுதிக்கு முன்னேறிய இந்திய பெண்கள் அணி.

🏀தேசிய ஜூனியர் தடகள சாம்பியன்ஷிப்: தமிழகத்துக்கு மேலும் இரு தங்கம். யுவின் ஆனந்தன் ஒரு நிமிடம் 54.24 வினாடிகளில் இலக்கை எட்டி சாதனை.

Today's Headlines

🗒️ Arnab Cyclone Slows Down: Rain in Tamil Nadu is expected only after November 1. The cyclone is likely to become stronger and develop into a very severe storm.

🗒️ GSLV-F18 Rocket Launch on October 30: Fishermen have been banned from going into the sea.

🗒️ Tri-Services Photo Exhibition in Kochi: The 14th Tri-Services Photo Exhibition will be held in Kochi from November 20 to 22.

Sports News

🏀 Commonwealth Kabaddi: The Indian women's team has entered the semi-finals.

🏀 National Junior Athletics Championship: Tamil Nadu won two more gold medals.

🏀 Yuvin Anandan Creates a Record: Yuvin Anandan reached the finish line in 1 minute and 54.24 seconds, setting a record.

Covai women ICT_போதிமரம்

பள்ளி காலை வழிபாட்டு செயல்பாடுகள் - 27.10.2026

கே. ஆர். நாராயணன்

திருக்குறள்: 

பால் : பொருட்பால்

இயல் : அரசியல்

அதிகாரம்:52. தெரிந்து வினையாடல்

குறள் எண்:517

குறள்:

இதனை இதனால் இவன்முடிக்கும் என்றாய்ந்து
அதனை அவன்கண் விடல்.

பொருள்:

இந்தச் செயலை, இன்ன காரணத்தால், இவன் செய்து முடிப்பான் என்று ஆராய்ந்து, அந்தச் செயலை அவனிடமே செய்யுமாறு விட்டு விடுதல் வேண்டும்.

பழமொழி :

There is no smoke without fire

நெருப்பில்லாமல் புகையாது.

இரண்டொழுக்க பண்புகள் :.

1. தோல்வியைக் கண்டு துவள மாட்டோம்; வெற்றிக்காக முயல்வோம்.

2. மரங்களை வளர்ப்போம்; இயற்கையைப் பாதுகாப்போம்.

பொன்மொழி : 

உலக ஒலி–ஒளி மரபுப் பாரம்பரிய தினம்

“கடந்த காலத்தின் நினைவுகளைப் பாதுகாப்போம்; இன்றைய நிகழ்வுகளைப் பதிவுசெய்வோம்; நாளைய தலைமுறைக்குப் பண்பாட்டுச் செல்வத்தைப் பரிசளிப்போம்!”

Thought for the Day :

“Preserve the memories of yesterday, cherish the achievements of today, and inspire the generations of tomorrow.

பொது அறிவு : 

1.கேரள மாநிலத்தின் புதிய ஆளுநர் யார்? 

ஓம் பிரகாஷ் மாத்தூர். 

2. கர்நாடக மாநிலத்தின் புதிய ஆளுநர் யார்? 

டாக்டர் சுதா யாதவ்.

English words :

1. Tranquil – Peaceful – நிம்மதியான

2. Audacious – Bold – துணிச்சலான

புவியியலும் சுற்றுசூழலும் :

அடுத்ததாக சோலைக் காடுகள்
* உயரமான மலைப்பகுதிகளின் பள்ளத்தாக்குகளில் காணப்படும்.
* குளிர்ச்சியான காலநிலையும் அதிக ஈரப்பதமும் காணப்படும்.
* புல்வெளிகளுடன் இணைந்து காணப்படுவது சிறப்பு.
* காணப்படும் இடங்கள்: நீலகிரி, ஆனைமலை, பழனி மலைகள்.

NMMS :

MAT 

"நாடுகளின் செல்வமும் அவற்றை உருவாக்கும் காரணிகளும் ஓர் ஆய்வு " என்ற நூலை எழுதியவர் ____________________ 

(1) சாக்ரடீஸ் 

(2) மார்ஷல் 

(3) ஹெரோடோடஸ் 

(4) ஆடம் ஸ்மித் 

விடை: (4) ஆடம் ஸ்மித்

அக்டோபர் 27

கே. ஆர். நாராயணன் அவர்களின் பிறந்தநாள்

கே. ஆர். நாராயணன் என்று அறியப்படும் கொச்செரில் ராமன் நாராயணன் (பிறப்பு - கோட்டயத்தில் உள்ள உழவூர் (கேரளா), அக்டோபர் 27, 1920; இறப்பு - புது தில்லி, நவம்பர் 9, 2005) பத்தாவது இந்தியக் குடியரசுத் தலைவர் ஆவார். இவர் இப்பொறுப்பை வகித்த ஒரே மலையாளிஆவார். முன்னர் இவர் இந்திய வெளியுறவுத் துறையில் அதிகாரியாக பணியாற்றியவர்.

நீதிக்கதை

 இரத்தசோகையை வென்ற சிறுமி

ஒரு அழகான கிராமத்தில் இனியா என்ற சிறுமி வாழ்ந்து வந்தாள். அவள் தினமும் பள்ளிக்குச் சென்று நன்றாகப் படிப்பாள். ஆனால், சில நாட்களாக அவளுக்கு மிகவும் சோர்வாக இருந்தது. விளையாடும்போதும் விரைவில் களைப்படைந்தாள். வகுப்பில் பாடம் படிக்கும்போது தூக்கமும் வந்தது.

இதைக் கவனித்த அவளுடைய அம்மா, இனியாவை மருத்துவரிடம் அழைத்துச் சென்றார். மருத்துவர் பரிசோதனை செய்துவிட்டு, இனியாவுக்கு இரத்தசோகை (Anemia) இருக்கலாம் என்று கூறி, தேவையான இரத்தப் பரிசோதனைகளைச் செய்தார்.

மருத்துவர் இனியாவிடம் அன்பாகக் கூறினார்:

“இனியா, நம் உடலில் ஹீமோகுளோபின் என்ற பொருள் இருக்கிறது. இது உடலின் பல பகுதிகளுக்கும் ஆக்சிஜனைக் கொண்டு செல்ல உதவுகிறது. இரும்புச்சத்து குறைபாட்டால் சிலருக்கு இரத்தசோகை ஏற்படலாம். அதனால் நாம் உணவில் கவனம் செலுத்த வேண்டும்!”

இனியா ஆர்வமாக, “டாக்டர், நான் என்னென்ன உணவுகளைச் சாப்பிட வேண்டும்?” என்று கேட்டாள்.

மருத்துவர் புன்னகையுடன் விளக்கினார்:

* 🥬 கீரைகள்: முருங்கைக்கீரை, அரைக்கீரை போன்றவற்றைச் சாப்பிட வேண்டும்.

* 🫘 பருப்பு வகைகள்: பயறு, கொண்டைக்கடலை, பருப்பு போன்றவற்றை உணவில் சேர்க்க வேண்டும்.

* 🍋 வைட்டமின் C நிறைந்த உணவுகள்: எலுமிச்சை, கொய்யா, ஆரஞ்சு போன்றவை இரும்புச்சத்து உடலில் உறிஞ்சப்பட உதவும்.

* 🍳 சத்தான உணவுகள்: முட்டை, இறைச்சி போன்றவற்றை உணவுப் பழக்கத்திற்கேற்ப சேர்த்துக்கொள்ளலாம்.

* 🩺 மருத்துவரின் ஆலோசனை: தேவையான பரிசோதனைகளைச் செய்து, மருத்துவர் பரிந்துரைத்தால் மட்டுமே இரும்புச்சத்து மாத்திரைகளை எடுத்துக்கொள்ள வேண்டும்.

மேலும், உணவுடன் அல்லது உணவுக்குப் பிறகு உடனடியாகத் தேநீர், காபி குடிப்பதைத் தவிர்ப்பது நல்லது. அவை இரும்புச்சத்து உறிஞ்சப்படுவதைக் குறைக்கலாம்.

இனியா மருத்துவர் கூறியவற்றைப் பின்பற்றி, தினமும் சத்தான உணவுகளைச் சாப்பிடத் தொடங்கினாள். அவளுடைய அம்மாவும் அவளுக்குப் பலவகையான சத்தான உணவுகளைத் தயாரித்துக் கொடுத்தார்.

சில காலத்திற்குப் பிறகு, மருத்துவரின் கண்காணிப்பில் சிகிச்சை பெற்ற இனியா தனது உடல்நலத்தில் முன்னேற்றம் கண்டாள். மீண்டும் உற்சாகமாகப் பள்ளிக்குச் சென்று விளையாடினாள்.

அன்று முதல் இனியா தன் நண்பர்களிடமும், “உடல்நலத்தைப் பாதுகாக்கச் சத்தான உணவுகளைச் சாப்பிட வேண்டும். எப்போதும் சோர்வாக இருந்தால் அதை அலட்சியப்படுத்தாமல் பெரியவர்களிடம் சொல்லி மருத்துவரிடம் செல்ல வேண்டும்!” என்று கூறினாள்.

### 🌟 நீதிக்கருத்து

“சத்தான உணவே ஆரோக்கியத்தின் அடிப்படை. இரத்தசோகையை அலட்சியப்படுத்தாமல், சரியான உணவுப் பழக்கத்தையும் மருத்துவ ஆலோசனையையும் பின்பற்றுவோம்!”

இன்றைய செய்திகள்

27.10.2026

🗒️பிற மாநிலங்களுக்கு கனிமங்களை எடுத்துச்செல்ல விதிக்கப்பட்ட தடை மேலும் 3 மாதங்களுக்கு நீட்டிக்கப்படுவதாக தமிழக அரசு தெரிவித்துள்ளது.

🗒️ஊட்டி மலை ரெயில் சேவை 29ம் தேதி வரை ரத்து

தண்டவாள பகுதியில் சீரமைப்பு பணிகள் தீவிரமாக நடைபெற்று வருகின்றன.

 🗒️பிரேசில் அதிபர் தேர்தலில் லுலா டா சில்வா அமோக வெற்றி பெற்றுள்ளார்.

விளையாட்டுச் செய்திகள்

🏀தேசிய ஜூனியர் தடகளம் போட்டியில்  உயரம் தாண்டுதலில் தமிழக வீராங்கனை நிவேதாவ தங்கம் வென்றுள்ளார்.

🏀இந்தியாவில்  2029-ல் உலக பளுதூக்குதல் சாம்பியன்ஷிப் தொடரை முதன்முறையாக அகமதாபாத்தில் நடத்த உள்ளது.

Today's Headlines

🗒️ The Tamil Nadu government has extended the ban on transporting minerals to other states for another three months.

🗒️ The Ooty Mountain Train service has been cancelled until the 29th. Repair work on the railway tracks is going on quickly.

🗒️ Luiz Inácio Lula da Silva has won the presidential election in Brazil by a huge margin.

🏀 Sports News

🏀 Tamil Nadu athlete Nivedha won the gold medal in the high jump event at the National Junior Athletics Championships.

🏀 India will host the World Weightlifting Championships in Ahmedabad for the first time in 2029.

Covai women ICT_போதிமரம்

பள்ளி காலை வழிபாட்டு செயல்பாடுகள் - 26.10.2026

திருக்குறள்: 

பால் : பொருட்பால்

இயல் : அரசியல்

அதிகாரம்:52. தெரிந்து வினையாடல்

குறள் எண்:516

குறள்:

செய்வானை நாடி வினைநாடிக் காலத்தோடு
எய்த உணர்ந்து செயல். 

பொருள்:

செய்பவனைப் பற்றி நன்கு ஆராய்ந்து, செய்யும் செயலையும் ஆராய்ந்து, செய்யத்தகுந்த காலத்தோடு பொருந்தவே செயலைச் செய்ய வேண்டும்.

பழமொழி :

There are two sides to every coin.

நாணயத்துக்கு இரு பக்கம் உண்டு.

இரண்டொழுக்க பண்புகள் :.

1. தோல்வியைக் கண்டு துவள மாட்டோம்; வெற்றிக்காக முயல்வோம்.

2. மரங்களை வளர்ப்போம்; இயற்கையைப் பாதுகாப்போம்.

பொன்மொழி : 

உயரத்தைப் பார்க்காதே; ஒவ்வொரு நாளும் ஒரு படி முன்னேறு

Thought for the Day :

Never stop learning and listening. Be ready to learn always

பொது அறிவு : 

1. இந்தியாவின் மிகப்பெரிய கிரிக்கெட் மைதானம் எங்கு உள்ளது? 

நரேந்திர மோடி மைதானம், அகமதாபாத் -குஜராத்.

2. இந்தியாவின் அதிக எழுத்தறிவு விகிதம் கொண்ட மாநிலம் எது? 

மிசோரம் (98.2%)

English words :

1. Arrogant – Haughty – அகங்காரமுள்ள

2. Lucid – Clear – தெளிவான

புவியியலும் சுற்றுசூழலும் :

நான்காவது வெப்பமண்டல முள் காடுகள்

* குறைந்த மழை பெறும் வறண்ட பகுதிகளில் காணப்படும்.

* முட்கள் கொண்ட சிறிய மரங்களும் புதர்களும் அதிகம்.

* வேம்பு, கருவேலம் போன்ற வறட்சியைத் தாங்கும் மரவகைகள் சில பகுதிகளில் காணப்படும்.

* காணப்படும் இடங்கள்: மதுரை, சேலம், திருச்சி மற்றும் பிற வறண்ட உள்நாட்டுப் பகுதிகள்.

NMMS :

MAT 

சவுதி அரேபியாவின் நாணயம் எது??

 (1) ரியால் 

 (2) டாலர்

 (3) யென்

 (4) தினார்

 விடை: (1) ரியால்

நீதிக்கதை

 பள்ளி விதிகளே நம் ஒழுக்கத்தின் அடையாளம்!

ஒரு ஊரில் அழகான பள்ளி ஒன்று இருந்தது. அந்தப் பள்ளியில் இனியா, காவ்யா என்ற இரண்டு தோழிகள் படித்து வந்தனர்.

இனியாவுக்குப் பள்ளிக்குச் செல்லும்போது விதவிதமாகத் தலை அலங்காரம் செய்வதும், முகத்திற்கு மேக்கப் போடுவதும் மிகவும் பிடிக்கும். பள்ளியில் எளிமையாக இருக்க வேண்டும் என்ற விதி இருந்தும், அவள் அதைப் பொருட்படுத்தாமல் தினமும் புதிய சிகை அலங்காரம் செய்துகொண்டும், முகத்திற்கு மேக்கப் போட்டுக்கொண்டும் பள்ளிக்கு வந்தாள்.

ஒருநாள், இனியா வண்ண நிறக் கண் மை, உதட்டுச் சாயம் மற்றும் அலங்காரப் பொருட்களைப் பயன்படுத்திப் பள்ளிக்கு வந்தாள். அவளைப் பார்த்த ஆசிரியர் அன்புடன் அழைத்து, “இனியா, உனக்கு அலங்காரம் செய்துகொள்ள விருப்பம் இருப்பது தவறில்லை. ஆனால், ஒவ்வொரு இடத்திற்கும் ஏற்ற ஒழுக்கமும் விதிமுறைகளும் இருக்கின்றன. பள்ளி என்பது கல்வி கற்கும் இடம். இங்கு மாணவர்கள் அனைவரும் பள்ளியின் சீருடை மற்றும் தோற்றம் தொடர்பான விதிகளைப் பின்பற்ற வேண்டும்” என்று அறிவுறுத்தினார்.

ஆனால், இனியா ஆசிரியரின் அறிவுரையைப் பெரிதாக எடுத்துக்கொள்ளவில்லை.

சில நாட்களுக்குப் பிறகு, பள்ளியில் நடைபெற்ற மாணவர் கூட்டத்தில் தலைமை ஆசிரியர் பேசினார்.

“நம் பள்ளியின் விதிமுறைகள் மாணவர்களின் தனிப்பட்ட விருப்பங்களைத் தடுக்க அல்ல; அனைவரிடமும் ஒழுக்கம், சமத்துவம் மற்றும் பொறுப்புணர்வை வளர்க்கவே உருவாக்கப்பட்டவை. பள்ளி விதிகளை மதிப்பது, நம் ஆசிரியர்களையும் பள்ளியையும் மதிப்பதற்குச் சமம்” என்றார்.

அந்த வார்த்தைகள் இனியாவின் மனதில் ஆழமாகப் பதிந்தன. தான் செய்த தவறை உணர்ந்த அவள், மறுநாள் முதல் பள்ளியின் விதிமுறைகளுக்கு ஏற்ற எளிய சிகை அலங்காரத்துடன், மேக்கப் இன்றிப் பள்ளிக்கு வரத் தொடங்கினாள்.

அவளுடைய மாற்றத்தைக் கண்ட ஆசிரியர் மகிழ்ந்து, “இனியா, அழகு என்பது வெளிப்புற அலங்காரத்தில் மட்டும் இல்லை; நம் ஒழுக்கத்திலும் நடத்தையிலும்தான் இருக்கிறது” என்று பாராட்டினார்.

இனியாவும் பள்ளி விதிகளை மதித்து நடப்பதில் பெருமை கொண்டாள்.

### 🌷 நீதிக்கருத்து

“பள்ளிப் பருவத்தில் பள்ளி விதிமுறைகளை மதித்து நடப்பதே சிறந்த ஒழுக்கம். தனிப்பட்ட விருப்பங்களை விட, நாம் இருக்கும் இடத்திற்கு ஏற்ற விதிகளைப் பின்பற்றக் கற்றுக்கொள்ள வேண்டும்.”

இன்றைய செய்திகள்

26.10.2026

🗒️2029-ம் ஆண்டுக்குள் இந்தியாவில் மொத்தம் 4 ஏவுதளங்கள் செயல்பாட்டில் இருக்கும் என இஸ்ரோ தலைவர் நாராயணன் கூறியுள்ளார்.

🗒️ரெயிலில் பட்டாசு எடுத்துச் சென்றால் 3 ஆண்டுகள் சிறை தண்டனை என  ரெயில்வே போலீசார் எச்சரிக்கை அறிவித்துள்ளது.

🗒️கனடா நாட்டு இறக்குமதிகள் மீது விதிக்கப்பட்டிருந்த 50 சதவீதம் வரிகளில் இருந்து சில பொருட்களுக்கு விலக்கு அளிப்பதாக டிரம்ப் அறிவித்துள்ளார்.

🗒️விளையாட்டுச் செய்திகள்

🏀தேசிய ஜூனியர் தடகளம்: 

👍🏼குண்டு எறிதலில் தமிழக வீரர் சாதனை.

👍🏼நீளம் தாண்டுதலின் தமிழக வீரர் தங்கப்பதக்கத்தை தட்டிச் சென்றார்.

Today's Headlines

🗒️ISRO Chairman Narayanan has said that India will have four launch pads by 2029. 

🗒️The Railway Police has issued a warning of a jail term of up to 3 years for carrying firecrackers in trains. 

🗒️President Donald Trump has announced that he will exempt some products from the 50 per cent tariffs imposed on Canadian imports. 

🗒Sports News

🏀National Junior Athletics:  

👍🏼Tamil Nadu's shot put Thrower Achieves Record

👍🏼Long jump

 The Tamil Nadu player won the gold medal.

Covai women ICT_போதிமரம்

பள்ளி காலை வழிபாட்டு செயல்பாடுகள் - 23.10.2026

காற்பந்தாட்ட வீரர் பீலே

திருக்குறள்: 

 பால் : பொருட்பால்

இயல் : அரசியல்

அதிகாரம்:52. தெரிந்து வினையாடல்

குறள் எண்:515

குறள்:

அறிந்தாற்றிச் செய்கிற்பாற்கு அல்லால் வினைதான்
சிறந்தானென்று ஏவற்பாற் றன்று.

பொருள்:

செய்யும் செயலைப் பற்றி நன்றாக அறிந்து, இடையில் வரும் துன்பங்களைத் தாங்கிச் செய்பவனை அல்லாமல், இவன் சிறந்தவன் என்று யாருக்கும் வேலை தரக்கூடாது.

பழமொழி :

The proof of the pudding is in the eating.

அப்பம் என்றால் பிட்டுக் காட்ட வேண்டும்.

இரண்டொழுக்க பண்புகள் :.

1. பிறரைப் பாராட்டுவோம்; யாரையும் இகழ மாட்டோம்.

2. தவறு செய்தால் ஒப்புக்கொள்வோம்; திருத்திக்கொள்ள முயல்வோம்.

பொன்மொழி : 

இயற்கையைப் பாதுகாப்போம்; அரிய உயிரினங்களின் வாழ்விடங்களைக் காப்போம்; பல்லுயிர்ப் பெருக்கத்தைப் பேணுவோம்!”

Thought for the Day :

“Protect Nature, Preserve Wildlife, and Secure Our Planet’s Future.” 🌿

பொது அறிவு : 

1. "ட்ரீம் ஒலிம்பிக்ஸ் 2026 "திட்டத்தை தொடங்கிய மாநிலம் எது? 

தமிழ்நாடு.

 2. அமைதிக்கான 2026 நோபல் பரிசை பெற்ற தமிழக வம்சாவளியை சேர்ந்தவர் யார்? 

நவநீதம் பிள்ளை. 

English words :

1. Gullible – Naive – எளிதில் ஏமாறக்கூடிய

2. Prudent – Wise – விவேகமான

புவியியலும் சுற்றுசூழலும் :

ஒரு வார்டில் போட்டியிடும் வேட்பாளர்:
1. ஒரு அரசியல் கட்சியின் சார்பில் போட்டியிடலாம்.
2. சுயேச்சை வேட்பாளராகவும் போட்டியிடலாம். உதாரணமாக ஒரு பேரூராட்சியில் 15 வார்டுகள் இருப்பதாக வைத்துக்கொள்வோம்.
கட்சி A – 7 கவுன்சிலர்கள்
கட்சி B – 5 கவுன்சிலர்கள்
சுயேச்சை – 3 கவுன்சிலர்கள்
இவர்கள் அனைவரும் சேர்ந்து பேரூராட்சி மன்றத்தை உருவாக்குகிறார்கள். அவர்களிலிருந்தே விதிமுறைகளின்படி தலைவர் மற்றும் துணைத் தலைவர் தேர்ந்தெடுக்கப்படுகிறார்கள்

NMMS :

MAT 

கொடுக்கப்பட்டுள்ள படங்களில் மாறுபட்டதைக் கண்டுபிடி 

 விடை: (4) 

அக்டோபர் 23

பீலே அவர்களின் பிறந்தநாள்

பீலே (Pelé) என்றழைக்கப்படும் எட்சன் அரண்டெசு டொ நாசிமெண்டோ (Edson Arantes do Nascimento; 23 அக்டோபர் 1940 – 29 திசம்பர் 2022) பிரேசில் நாட்டின் காற்பந்தாட்ட வீரர். இருபதாம் நூற்றாண்டின் மிகச் சிறந்த வீரராக அறியப்பட்டவர்.காற்பந்தாட்டத்தை அமெரிக்காவில் பிரபலப் படுத்தியவர்; உலக அமைதிக்கான பரிசு பெற்றவர். 22 ஆண்டு காற்பந்தாட்ட அத்தியாயத்தில் மொத்தம் 1282 கோல்களைப் புகுத்தியவர் பீலே. ஹாட்ரிக் எனப்படும் ஒரே ஆட்டத்தில் தொடர்ந்து மூன்று கோல்கள் போடுவதிலும் உலகச் சாதனையை செய்திருக்கிறார்.அவர் கொடுத்த மொத்த ஹாட்ரிக்குகள் 92. மூன்று முறை உலகக் கோப்பையை வென்ற ஒரே காற்பந்தாட்ட வீரர்.காற்பந்தாட்ட உலகின் மிகச் சிறந்த வீரராகக் கருதப்படும் பீலே 'கருப்பு முத்து' என்று இதழியலாளர்களால் அழைக்கப்படுகிறார்.

நீதிக்கதை

 மழை நீரைச் சேமிப்போம், விவசாயத்தைக் காப்போம்!

ஒரு அழகான கிராமத்தில் ராமசாமி, முருகன் என்ற இரு விவசாயிகள் வாழ்ந்து வந்தனர். இருவரும் தங்கள் வயல்களில் நெல், காய்கறிகள் போன்ற பயிர்களைப் பயிரிட்டு வந்தனர்.

ஒரு வருடம் அந்தக் கிராமத்தில் நல்ல மழை பெய்தது. ஆறுகளிலும் குளங்களிலும் தண்ணீர் நிறைந்து ஓடியது. வயல்களிலும் மழை நீர் பெருக்கெடுத்து ஓடியது.

ராமசாமி மகிழ்ச்சியுடன், “இந்த ஆண்டு நல்ல மழை பெய்துவிட்டது! இனி நமக்குத் தண்ணீருக்குக் கவலையே இல்லை !” என்று கூறினான்.

ஆனால் முருகன், “நண்பா! மழை பெய்யும்போது மட்டும் மகிழ்ந்தால் போதாது. இந்த மழை நீரை நாம் சேமித்தும் பயன்படுத்தியும் கொள்ள வேண்டும். இல்லையென்றால்,  கோடைக்காலத்தில் தண்ணீருக்காகத் தவிக்க வேண்டியிருக்கும்,” என்றான்.

முருகன் தனது வயலுக்கு அருகில் ஒரு சிறிய மழை நீர் சேமிப்புக் குளத்தை அமைத்தான். வீட்டின் கூரையில் விழும் மழை நீரையும் குழாய்கள் மூலம் ஒரு தொட்டியில் சேமித்தான். வயலில் மழை நீர் வீணாக வெளியேறாமல் இருக்க வரப்புகளைச் சரிசெய்தான்.

சேமித்த நீரைப் பயிர்களுக்குப் பாசனம் செய்யவும், வீட்டுத் தோட்டத்திற்குத் தண்ணீர் ஊற்றவும் பயன்படுத்தினான். சுத்திகரிக்கப்படாத மழை நீரைக் குடிப்பதற்குப் பயன்படுத்தாமல், குடிநீருக்குத் தனியாகப் பாதுகாப்பான ஏற்பாடுகளையும் செய்தான்.

சில மாதங்கள் கழித்து கோடைக்காலம் வந்தது. மழை பெய்வது குறைந்தது. பல விவசாயிகள் தங்கள் பயிர்களுக்குத் தண்ணீர் கிடைக்காமல் சிரமப்பட்டனர். ஆனால் முருகன் முன்கூட்டியே சேமித்த மழை நீரைப் பயன்படுத்திப் பயிர்களைக் காப்பாற்றினான்.

அவனுடைய வயலில் நல்ல விளைச்சல் கிடைத்தது. இதைப் பார்த்த ராமசாமி, “நண்பா! மழை பெய்வது இயற்கையின் கொடை . அந்த நீரைச் சேமிப்பது நமது கடமை என்பதை இப்போது புரிந்துக் கொண்டே ன்,” என்றான்.

முருகனும், “ஆம் நண்பா! ஒவ்வொரு துளி மழை நீரும் நமக்கு மிகவும் மதிப்புமிக்கது. அதைச் சேமித்தால் விவசாயத்திற்கும் நமது அன்றாடத் தேவைகளுக்கும் பயனுள்ளதாக இருக்கும்,” என்றான்.

அன்றிலிருந்து அந்தக் கிராம மக்கள் அனைவரும் மழை நீரைச் சேமிக்கத் தொடங்கினர். குளங்களை யும் ஏரிகளையும் பராமரித்தனர். மழை நீரை வீணாக்காமல் பயன்படுத்தினர். அந்தக் கிராமம் செழிப்பான பசுமைக் கிராமமாக மாறியது.

### 🌱 நீதிக்கருத்து

“மழை நீர் உயிர்நீர்! அதைச் சேமிப்போம்; விவசாயத்தைக் காப்போம்; எதிர்காலத் தண்ணீர்த் தேவையைப் பூர்த்தி செய்வோம்!”

இன்றைய செய்திகள்

23.10.2026

🗒️பேச்சு வார்த்தையில் சிறு, குறு மற்றும் பெரிய விவசாயிகள் உட்பட அனைத்து விவசாயிகளுக்கும் ரூ.75 ஆயிரம் பயிர் கடன் ரத்து என தமிழக அரசு அறிவித்துள்ளது.

🗒️2026-27-ம் ஆண்டிற்கான டாக்டர் அம்பேத்கர் விருது பெற விண்ணப்பங்கள் வரவேற்கப்படுவதாக தமிழக அரசு அறிவித்துள்ளது.

🗒️ உக்ரைனில் அமைதிக்கான ஒவ்வொரு முயற்சிக்கும் இந்தியா ஆதரவு அளிக்கும் என பிரதமர் மோடி தெரிவித்துள்ளார்.

விளையாட்டுச் செய்திகள்

🏀பாரா ஆசிய விளையாட்டு: 

👨🏼‍🦽 வில்வித்தையில் இந்தியாவுக்காக தங்கம் வென்ற ஷீத்தல் தேவி  டோமன் குமார்.

👨🏼🏏நியூசிலாந்துக்கு எதிரான முதலாவது 20 ஓவர் போட்டி: 4 விக்கெட்டுகள் வித்தியாசத்தில் இந்தியா வெற்றி.

Today's Headlines

🗒️ The Tamil Nadu government has announced that crop loans of up to ₹75,000 will be waived for all farmers, including small, marginal, and large farmers, as part of the talks.

🗒️ The Tamil Nadu government has invited applications for the Dr. Ambedkar Award for the year 2026–27.

🗒️ Prime Minister Modi has said that India will support every effort to bring peace to Ukraine.

🏀 Sports News

🏅 Para Asian Games:

👨🏼‍🦽 Indian archers Sheetal Devi and Toman Kumar won gold medals for India in archery.

🏏 First T20 match against New Zealand:

🇮🇳 India won the match against New Zealand by 4 wickets.

Covai women ICT_போதிமரம்